ពាក្យចចាមអារាមបានលេចឮទៀតហើយថា ឪពុករបស់កំពូលកីឡាករបាល់ទាត់លំដាប់ពិភពលោក Neymar កំពុងមានទំនាក់ទំនងស្នេហាលួចលាក់ជាមួយកំពូលតារាសិចរបស់ទស្សនាវដ្តី និងភាពយន្ដ Playboy គឺនាង Franciely Freduzeski ព្រមទាំងបានរួមនែបនិត្យនឹងគ្នាជាញឹកញាប់ទៀតផង។ នេះបើតាមសារព័តមាន Sport Daily បានចេញផ្សាយថ្មីៗនេះ។
តាមរយៈការអះអាងរបស់ក្រុមសារព័ត៌មានកីឡាអន្ដរជាតិបានឱ្យដឹងថា ឪពុក Neymar និងស្រីកំណាន់ខាងលើ បានចូលរួមលើកទឹកចិត្ត Neymar នៅក្នុងការប្រកួតជម្រុះ World Cup ដែលក្រុមប្រេស៊ីល រកបាន 2-0 នៅក្នុងទីលានប្រកួតក្នុងកីឡដ្ឋាន Ecuador កាលពីសប្ដាហ៍មុននេះ ហើយជាងនេះទៅទៀត កំពូលតារាសិចរូបនេះថែមទាំងបានចូលរួមកម្មវិធីរបស់ Neymar កាលពីខែមិថុនា ទៀតផង។
គួរបញ្ជាក់ផងដែរថា ខណៈដែល Neymar បានធ្វើដំណើរទៅទីក្រុងបារីស មានប្រភពច្បាស់ការណ៍មួយបានអះអាងថាឪពុករបស់គេ បានបណ្ដើរតារាសិចស្រីរូបនេះចេញពីព្រលានយន្ដហោះ ហើយបានបណ្ដើរគ្នានៅតាមទីសាធារណៈទៀតផង។ តែទោះជាយ៉ាងណា មិនទាន់មានការអះអាងជាផ្លូវការណាមួយពីឪពុករបស់កំពូលកីឡាករល្បីឈ្មោះរូបនេះនៅឡើយទេ៕
