ម៉ៃ ដាវីកា សម្ដែងវីដេអូចម្រៀង Kpop ជាលើកដំបូងជាមួយតារាល្បី

នៅថ្ងៃទី21 ខែតុលា ឆ្នាំ2017 តាមរយៈសារព័ត៌មាន All Kpop បានចេញផ្សាយឱ្យដឹងថា ខណៈនេះ តារាសម្ដែងស្រីជួរមុខនាង ម៉ៃ ដាវីកា របស់ប្រទេសថៃ កំពុងតែសហការការងារជាមួយប្រទេសកូរ៉េ ក្នុងការសម្ដែងវីដេអូចម្រៀងជាមួយតារាចម្រៀងកូរ៉េនាង ALi ដែលគ្រោងនឹងបញ្ចេញជាផ្លូវការនៅអំឡុងខែវិច្ឆិកា នេះ។ នេះជាការវិលត្រឡប់មកសិល្បៈ Kpopជាថ្មីម្ដងទៀតរបស់តារាចម្រៀង ALi ក្នុងគ្រប់ខួបទី 11 ឆ្នាំនៃការចេញបទចម្រៀងទោលរបស់នាង។

គួរបញ្ជាក់ផងដែរថា មកទល់ពេលនេះ នៅមិនទាន់មានការបញ្ជាក់អំពីចំណងជើងបទចម្រៀង និងអាល់ប៊ុមរបស់តារាស្រីខាងលើនេះនៅឡើយទេ គ្រាន់តែនាងបានបង្ហើបថា បទចម្រៀងមនោសញ្ចេតនាស៊ីជម្រៅមួយនេះ នឹងបង្កប់សាច់រឿងដែលធានាថា ធ្វើឱ្យអ្នកគាំទ្រទាំងអស់ ទាំងថៃ និងកូរ៉េ មានភាពភ្ញាក់ផ្អើលបំផុត និងមិនធ្លាប់បានឃើញនូវបទពិសោធថ្មីមួយនេះ៕

Advertisement