រដ្ឋាភិបាលថៃ ចេញ​ច្បាប់​ថ្មី​ចំពោះ​ប្រាក់​បញ្ញើ​ក្នុង​ធនាគារ​ដែល​គ្មាន​សកម្មភាព 10 ឆ្នាំរដ្ឋ​អាច​ដកយក​មកប្រើប្រាស់​បាន

An employee counts bundles of Thai bahts at Krung Thai Bank in Bangkok in October. A tidal wave of money is pouring into Asia and driving up regional currencies.

ក្រសួង​ហិរញ្ញវត្ថុ​នៃ​ប្រទេស ថៃ ត្រៀម​ចេញ​ច្បាប់​គ្រប់គ្រង និង​ចាត់ចែង​លើ​ប្រាក់​បញ្ញើ ដោយ​ផ្ដល់​អំណាច​ឱ្យ​ក្រសួង​ហិរញ្ញវត្ថុ​អាច​ទាញយក​ប្រាក់​បញ្ញើ​ដែល​គ្មាន​សកម្មភាព​លើសពី 10 ឆ្នាំ​ឡើងទៅ​របស់​ប្រជាជន​មកប្រើប្រាស់​ឱ្យ​កើតជា​ប្រយោជន៍​ដល់​ប្រព័ន្ធ​សេដ្ឋកិច្ច។

សារៈសំខាន់​របស់​ច្បាប់​ថ្មី​នេះ​នឹង​គ្របដណ្ដប់​លើ​បញ្ជី​ប្រាក់​បញ្ញើ ទាំង​លុយ​បាត និង​លុយ​បរទេស​ចំពោះតែ​បញ្ជី​គណនី​សន្សំ និង​បញ្ជី​គណនី​ចរន្ត​ប្រចាំថ្ងៃ ដោយ​នឹងមាន​ប្រសិទ្ធភាព​លើ​បញ្ជី​គណនី​ណា​ដែល​គ្មាន​ការដក-ដាក់ ឬ​ផ្ទេរប្រាក់​សោះ​ក្នុង​រយៈពេល​លើស​ជាង 10 ឆ្នាំ ដោយ​នឹង​រាប់​ចាប់ពី​ថ្ងៃទី 1 មករា​របស់​ឆ្នាំ​បន្ទាប់​ពីថ្ងៃ​ចុងក្រោយ​ដែល​បញ្ជី​គណនី​មាន​សកម្មភាព និង​តាមដាន​គ្រប់​បញ្ជី​គណនី​ដែល​គ្មាន​សកម្មភាព​ទាំងអស់​របស់​បុគ្គល​ធ​ម្ម​តា និង​នីតិបុគ្គល។

ប្រទេស​ថៃ​មិនមែនជា​ប្រទេស​ដំបូង​គេ​ដែល​នាំយក​ច្បាប់​គ្រប់គ្រង​ប្រាក់​បញ្ញើ​នេះ​មក​ប្រើ​នោះទេ មាន​ប្រទេស​ជាច្រើន​ក៏បាន​ប្រើប្រាស់​ច្បាប់​នេះដែរ ដូចជា ប្រទេស អូស្ត្រាលី អង់គ្លេស អៃ​លែ​ន​ដ៍ ជប៉ុន ម៉ាឡេស៊ីនិង​សហរដ្ឋអាមេរិក ជាដើម។ល៕

ប្រភព krobkruakao

ប្រែ​សម្រួល​ដោយ តា​វ៉ែនតា

Advertisement