ផ្សារ Makro នឹង​បើក​ដំណើរ​ការ​នា​ពាក់កណ្ដាល​ខែធ្នូនេះ​

ផ្សារ​លក់​ទំនិញ​ដ៏​ធំ​លំដាប់​អន្ដរជាតិ Makro ដែល​មាន​ទីតាំង​ក្នុង​តំបន់​អភិវឌ្ឍន៍​ទីក្រុង​រណប​ពោងពាយ របស់​អ្នក​ឧកញ៉ា លី យ៉ុងផាត់ ស្ថិត​ក្នុង​សង្កាត់​ភ្នំពេញ​ថ្មី ខណ្ឌ​សែនសុខ ក្បែរ​ផ្សារ​ទំនើប អុីអន ទី2 នឹង​បើក​ដំណើរ​ការ​ជា​ផ្លូវ​ការ​នៅ​ថ្ងៃទី17 ខែវិច្ឆិកា ខាងមុខ​នេះ​ហើយ។

ផ្សារ​ទំនើប​លំដាប់​អន្ដរជាតិ​នេះ​នឹង​មាន​លក់​ទំនិញ​ជាច្រើន​ប្រភេទ​ទាំង​ការ​លក់​បោះ​ដុំ និង​លក់រាយ។ Makro ដែល​ត្រូវ​បាន​អភិវឌ្ឍន៍​នៅ​លើ​ផ្ទៃដី5​ហិកតា​នេះ ​ជា​ក្រុមហ៊ុន​មួយ​ស្ថិត​ក្នុង​ចំណោម​ក្រុមហ៊ុន​បុត្រសម្ព័ន្ធ​របស់ក្រុមហ៊ុន​ស៊ីភី គ្រុប ដែល​ជា​ក្រុមហ៊ុន​កសិ​ពាណិជ្ជកម្ម​ធំ​ជាង​គេ​របស់​ប្រទេស​ថៃ សហការ​ជាមួយ​ក្រុមហ៊ុន L.Y.P Group របស់​អ្នកឧកញ៉ា លី យ៉ុងផាត់។

លោកស្រី ស៊ុឆាដា អ៊ីធីចារូគូស អគ្គ​នាយក​ក្រុមហ៊ុន ស្យាម ម៉ាក្រូ បាន​លើក​ឡើង​ថា វា​ជា​មោទនភាព​បំផុត​សម្រាប់​ទីផ្សារ​ដ៏​ធំ​នេះ ដែល​បាន​បើក​សាខា​ដំបូង​នៅ​ក្នុង​ព្រះ​រាជាណាចក្រ​កម្ពុជា បន្ទាប់​ពី​ទទួល​ការ​គាំទ្រ​ជា​ខ្លាំង​ពី​ប្រជាជន​ថៃ​រយៈពេល​30​ឆ្នាំ​កន្លង​មក៕

Advertisement