កញ្ញា វ៉ាន់ វល័ក្ខ កំពុងជួបទុក្ខធំ

នៅថ្ងៃទី9 ខែ​ធ្នូ ឆ្នាំ2017នេះ តាមរយៈបណ្ដាញសង្គមហ្វេសប៊ុករបស់តារាសម្តែងស្រីដែលកំពុងមានមានប្រជាប្រិយភាព និងទីផ្សារសម្តែងច្រើនគួរសមដែរ គឺកញ្ញា វ៉ាន់ វល័ក្ខ កំពុងជួបទុក្ខជាទម្ងន់ ដោយសារតែលោកយាយជាទីស្រឡាញ់របស់នាងបានទទួលមរណភាពកាលពីយប់ថ្ងៃទី8 រំលងចូលថ្ងៃទី9 ធ្នូនេះ  ដោយបានបន្សល់ទុកតែភាពអាឡោះអាល័យ និងទុក្ខសោកយ៉ាងក្រៀមក្រំដល់កូនចៅ។

តារាសម្តែងរូបនេះបានបង្ហោះសារក្រៀមក្រំលាយឡំ និងសោកស្តាយ ជាមួយរូបភាពជាច្រើនសន្លឹកលើបណ្តាញសង្គមហ្វេសប៊ុកថា «តើឲ្យចៅនិយាយថាម៉េចទៅ? លោកយាយ!» ។ ទន្ទឹមនឹងនោះដែរ គេសង្កេតឃើញមានតារាសម្តែងជាច្រើនរូប និងអ្នកគាំទ្ររបស់តារាស្រីរូបនេះ បានចូលរួមរំលែកទុក្ខ និងគោរពដួងវិញ្ញាណក្ខន្ធលោកយាយទៅកាន់សុគតិភព៕