បើក​សន្និសីទកាសែត​ស្តីពី​ការប្រកួត Tiger Street Football Festival 2018 ប្រចាំ​មណ្ឌល​ប៉ោយប៉ែត

ប៉ោយប៉ែត៖ នៅ​ថ្ងៃទី 17 ខែកុម្ភៈ ស្រា​បៀរ​ថៃ​ហ្គ័​រ​បាន​បើក​សន្និសីទកាសែត​ស្តីពី​ការបើក​ការប្រកួត Tiger Street Football Festival 2018  ប្រចាំ​មណ្ឌល​ប៉ោយប៉ែត ខេត្តបន្ទាយមានជ័យ ដោយមាន​ការចូលរួម​ថ្នាក់ដឹកនាំ​ក្រុមហ៊ុនស្រា​បៀរ​ថៃ​ហ្គ័​រ និង​លោក ទុយ វិច្ឆិកា តំណាង​សហព័ន្ធ​កីឡា​បាល់​នៃ​ព្រះរាជាណាចក្រ​កម្ពុជា និង​ជា​ប្រធាន​ក្រុមបច្ចេកទេស​ដឹកនាំ​ការប្រកួត​បាល់ទាត់ Tiger Street Football Festival 2018 ។

លោក ពេជ្រ នី អ្នកតំណាង​ស្រា​បៀរ​ថៃ​ប្រចាំ​ក្រុង​ប៉ោយប៉ែត មានប្រសាសន៍ថា នេះ​លើកទីមួយ​សម្រាប់​ក្រុង​ប៉ោយប៉ែត ខេត្តបន្ទាយមានជ័យ​ដោយមាន​ក្រុមបាល់ទាត់​រហូតដល់ 50 ក្រុម លើសពី​ការរំពឹងទុក​របស់​ក្រុមហ៊ុន និង​លោក​បាន​ថ្លែងអំណរគុណ​កីឡាករ​ទាំងអស់​ដែល​ដាក់ពាក្យ​ចូលរួម​ក្នុងការ​ប្រកួត​បាល់ទាត់ Tiger Street Football Festival 2018  និង​ជូនពរ​កីឡាករ​ទទួលបាន​ជោគជ័យ និង​មាន​សុវត្ថិភាព​ក្នុងការ​ប្រកួត។

លោក ទុយ វិច្ឆិកា តំណាង​សហព័ន្ធ​កីឡា​បាល់​នៃ​ព្រះរាជាណាចក្រ​កម្ពុជា និង​ជា​ប្រធាន​ក្រុមបច្ចេកទេស​ដឹកនាំ​ការប្រកួត​បាល់ទាត់ Tiger Street Football Festival 2018  បាន​មានប្រសាសន៍ថា នេះ​ជា​លើកទីមួយ​សម្រាប់​ក្រុង​ប៉ោយប៉ែត និង​បាន​ពន្យល់​យ៉ាង​លម្អិត​ដល់​កីឡាករ​ទាំងអស់​អំពី​លក្ខខណ្ឌ​នៃ​ការប្រកួត Tiger Street Football Festival 2018   និង​លក្ខខណ្ឌ​ប្រកួត​របស់​គណៈកម្មការ​រៀប​ចំការ​ប្រកួត ជាពិសេស​ត្រូវគោរព​ពេល​វេលា គោលការណ៍ Fair Play។

អ្នកស្រី ថោង បវរ​លក្ខិណា ដែលជា​នាយក​ម៉ាក​ផលិតផល​ស្រា​បៀរ​ថៃ​ហ្គ័​រ បាន​ថ្លែង​ក្នុង​ពិធី​សន្និសីទ​សារព័ត៌មាន នេះ​ឱ្យដឹងថា ព្រឹត្តិការណ៍​ប្រកួត​បាល់ទាត់  Tiger Street Football Festival ប្រចាំឆ្នាំ 2018 រដូវ​កាល​ទី6 បាន​ត្រឡប់មកវិញ​ទៀតហើយ និង​កាន់តែ​ជា​ព្រឹត្តិការណ៍​ដ៏​ធំ​អស្ចារ្យ ក្រុម​ចូលរួម​ប្រកួត​កាន់តែច្រើន និង​មាន​ប្រាក់រង្វាន់​សរុប​រហូត​ដល់ 50000ដុល្លារ។ ក្រុម​ដែល​ឡើងដល់​វគ្គ​ផ្តាច់​ព្រ័​ត្ត​នឹងមាន​ឱកាស​ជួប​ផ្ទាល់​ជាមួយ​កំពូល​តារាបាល់ទាត់​អន្តរជាតិ Ryan Giggs នៅ​ថ្ងៃ​ប្រកួត​ផ្តាច់ព្រ័ត្រ ទី 10 និង​ទី11 មីនា ឆ្នាំ 2018 នៅខាងមុខ​បរិវេណ​សាល​មហោស្រព​កោះ​ពេជ្រ រាជធានី​ភ្នំពេញ។

ចំពោះ​ព័ត៌មាន​លម្អិត​បន្ថែ​មអំ​ពី Tiger Street Football Festival 2018  សូម​ចូលទៅ​កាន់​ទំព័រ​ហ្វេ​ស​ប៊ុ​ក​ផ្លូវការ​របស់​ស្រា​បៀរ​ថៃ​ហ្គ័​រ​៖www.facebook.com/TigerBeerKH

#TSFF2018
សូម​ពិសា​ដោយ​ការទទួលខុសត្រូវ

Advertisement