អេមមី អុមសៈវ៉ាន់ ពីតារាសិចស៊ីក្លាយទៅជាដូនជី ព្រោះតែ…

នៅក្នុងសង្គមសិល្បៈថៃកំពុងតែមានការភ្ញាក់ផ្អើលចំពោះតារាសម្ដែងសិចស៊ីមួយរូបឈ្មោះ អេមមី អុមសៈវ៉ាន់បានសម្រេចចិត្តទៅសាងផ្នួសបួសជាដូនជីនៅក្នុងវត្ត សៈធានថាំមៈស្ថាន ដើម្បីសុំសីល និងសាងកុសល។ កន្លងមកតារាស្រីរូបនេះធ្លាប់បានប្រាប់អ្នកសារព័ត៌មានថៃថា ការសម្រេចចិត្តទៅបួសជាដូនជីបែបនេះព្រោះតែចង់សម្ដែងភាពកតញ្ញូកតវេទិតាដល់បុព្វការីជនរបស់នាង និងកសាងអំពីល្អជាគំរូដល់កូនទាំងពីរនាក់របស់នាងឱ្យបានឃើញផងដែរ។

បច្ចុប្បន្នតារាស្រីរូបនេះកំពុងតែសិក្សាព្រះធម៌ និង តាំងសមាធិយ៉ាងស្ងប់ស្ងាត់នៅក្នុងអារាម។ គួរបញ្ជាក់ផងដែរថាគ្រាន់តែទទួលបានដំណឹងថា នាងទៅសាងផ្នួសបួសជាដូនជីភ្លាមនោះ អ្នកគាំទ្រទាំងអស់ និងតារាថៃជាច្រើនដួងចាប់ផ្ដើមភ្ញាក់ផ្អើល ហើយនឹករន្ធត់ក្នុងអារម្មណ៍យ៉ាងមិននឹកស្មានដល់ថានាងសម្រេចចិត្តទៅបួសដូច្នេះសោះ។ រូបភាពទាំងអស់ខាងក្រោមនេះ ជាស្ថានភាពបច្ចុប្បន្នរបស់ដូនជី អេមមី អុមសៈវ៉ាន់ ដែលមិនសិចស៊ីដូចមុនទៀតឡើយ៕

Advertisement