ទម្លាប់ឈ្នះៗមួយចំនួន ដែលនាំឱ្យ​អ្នក​ជោគជ័យ

ភាពជោគជ័យ​កើតចេញពី​ទម្លាប់ ហើយ​ទម្លាប់​ចែកចេញជា​ពី​ប្រភេទ​គឺ ទម្លាប់​ជោគជ័យ និង​ទម្លាប់​បរាជ័យ។ អ្វីដែល​ពិសេស​នោះ​គឺថា​អ្នកមាន​សិទ្ធិ​ក្នុងការ​ជ្រើសរើស​ទម្លាប់​ទាំងអស់នោះ។
ខាងក្រោម​នេះ​គឺជា​ទម្លាប់ឈ្នះៗមួយចំនួន​ក្នុងការ​ទទួលបាន​នូវ​ភាពជោគជ័យ៖

១) ជួសជុល​ផ្នត់គំនិត​របស់​អ្នក
នៅក្នុង​ការសម្រេច​ជោគជ័យ អ្នក​ត្រូវមាន​ទស្សនវិស័យ​វិជ្ជមាន​ទៅលើ​ជីវិត។ គ្រប់ពេល​ទាំងអស់​គឺជា​ឱកាស​សម្រាប់​អ្នក​ក្នុងការ​សិក្សា​រៀនសូត្រ​ដើម្បី​ជួយ​ធ្វើឱ្យ​ខ្លួន​របស់​អ្នក​ល្អ​ប្រសើរឡើង។ ទោះជា​អ្នក​ដួល​ក៏ដោយ​ចូរ​ក្រោកឈរឡើង ហើយ​បន្ដធ្វើ​វា​ម្ដងទៀត​រហូតដល់​អ្នកទទួល​បាន​ជោគជ័យ។ ការ​មាន​ផ្នត់គំនិត​វិជ្ជមាន​ចំពោះ​ជីវិត​របស់​អ្នក នឹង​ធ្វើឱ្យ​អ្នកទទួលបាន​នូវ​ភាពជោគជ័យ។

២) ចូរ​កំណត់​គោលដៅ​ជីវិត​របស់​អ្នក
ចូរ​គិត​គោលដៅ​របស់​អ្នក​ឱ្យ​ដូចជា​គោលដៅ​នៃ​ជីវិត​របស់​អ្នក។ តើ​អ្នក​ពិតជា​ចូលចិត្ត​អ្វី​ឱ្យ​ពិតប្រាកដ? ហេតុអ្វី​បានជា​អ្នកធ្វើ​វា? តើ​អ្នក​អាចធ្វើឱ្យ​ពិភពលោក​មួយ​នេះ ក្លាយទៅជា​កន្លែង​មួយ​ដ៏​ល្អ​បាន​ដោយ​របៀប​ណា? ចូរ​ស្វែងរក​មូលហេតុ​របស់​អ្នក​សម្រាប់​ឆន្ទៈ​ក្នុងការ​រស់នៅ​ដើម្បី​អ្នក​អាច​ប្រើប្រាស់​ចំណេះ និង​ជំនាញ​របស់​អ្នក​ក្នុង​ការសម្រេច​គោលដៅ​របស់​អ្នក។

៣) លុបបំបាត់ចោល​នូវ​អ្វី​ដែលជា​ឧបសគ្គ
ពីព្រោះ​អ្នក​បានកំណត់​គោលដៅ​មួយ​ច្បាស់លាស់ អ្នក​ត្រូវតែ​លុបបំបាត់ចោល​នូវ​អ្វី​ដែលជា​ឧបសគ្គ​ដល់​ខ្លួន​របស់​អ្នក​ក្នុងការ​រារាំង​អ្នក​មិនឱ្យ​អ្នកសម្រេច​គោលដៅ។ អ្នក​ត្រូវតែ​រៀបចំ​ជីវិត​មួយ​ដែល​គាំទ្រ​គោលដៅ​របស់​អ្នក ហើយ​ចាប់ផ្ដើម​អនុវត្ត​ទម្លាប់​ទាំងនោះ ដើម្បី​ដឹកនាំ​អ្នក​ឆ្ពោះទៅកាន់​គោលដៅ​របស់​អ្នក។

៤) ផ្ដល់រ​ង្វ​ន់​ដល់​ខ្លួនឯង
ការ​បង្កើតជា​ទម្លាប់​ផ្ដល់​រង្វាន់​ចំពោះ​ខ្លួនឯង​គឺជា​រឿង​ដ៏​ល្អ ព្រោះ​វា​ជា​វិធីសាស្ត្រ​ជំរុញ​ទឹកចិត្ត​មួយ ដើម្បីឱ្យ​អ្នក​ខិតខំ​ប្រឹងប្រែង​ដើម្បី​សម្រេច​គោលដៅ៕

 

Advertisement