ឱកាសមិនធ្លាប់មានពីមុនមកសម្រាប់សិស្ស-និស្សិត ដែលត្រូវការព័ត៌មានអំពីសកលវិទ្យាល័យល្អៗទាំងក្នុង និងក្រៅប្រទេស នឹងមកដល់ឆាប់ៗនេះហើយ
ដោយសំឡឹងឃើញថា សិស្ស និស្សិតភាគច្រើនតែងសម្តែងក្តីបារម្ភចំពោះការជ្រើសរើសសកលវិទ្យាល័យឱ្យបានត្រឹមត្រូវដើម្បីបន្តការសិក្សានៅកម្រិតឧត្តម ទើបវេទិកាឧត្តមសិក្សា កម្ពុជា-អន្តរជាតិ ត្រៀមរៀបចំឡើងឆាប់ៗនេះក្នុងរយៈពេលបីថ្ងៃគឺ 29-30 កញ្ញា និង 01 តុលា 2017 នៅអគារកោះពេជ្រ ពីម៉ោង 9ព្រឹក ដល់ម៉ោង 5ល្ងាច។ វេទិកានេះ នឹងក្លាយជាកន្លែងណាត់ជួបរវាងឪពុកម្តាយ និងសិស្សនិស្សិត ជាមួយសកលវិទ្យាល័យ និងស្ថាប័នអប់រំនានា។
សកលវិទ្យាល័យរដ្ឋ និងឯកជនទាំងអស់ សុទ្ធតែត្រូវបានលើកទឹកចិត្តឱ្យចូលរួម និងផ្សព្វផ្សាយសកម្មភាពរួមជាមួយកម្មវិធីសិក្សារបស់ខ្លួន។ លើសពីនេះទៅទៀត វាគ្មិន និងសកលវិទ្យាល័យជាតិ-អន្តរជាតិ នឹងចាប់ដៃគ្នាកសាងនូវបណ្តាញដ៏រឹងមាំមួយក្នុងវិស័យអប់រំ ដើម្បីធានាបានថាសិស្ស និស្សិតទាំងអស់ទទួលបានព័ត៌មានគ្រប់គ្រាន់ដើម្បីអាចសម្រេចចិត្តជ្រើសរើសសកលវិទ្យាល័យល្អបំផុតដែលខ្លួនចង់សិក្សា។
នេះជាឪកាសដ៏កម្រ និងល្អបំផុតសម្រាប់សិស្ស-និស្សិតទាំងអស់ ក្នុងការចាប់យកនូវចំណេះដឹង និងបទពិសោធន៍ថ្នាក់ឧត្តមសិក្សា ហើយក៏ជាគោលដៅដ៏ល្អផងដែរក្នុងការផ្សព្វផ្សាយផលិតផលរបស់លោកអ្នកប្រកបដោយប្រសិទ្ធភាព។
លោក គង់ សុជាតិ ដែលជាអ្នកគ្រប់គ្រងគម្រោងរបស់ក្រុមហ៊ុន Directions Advertising បានបញ្ជាក់ថា “ដោយបើកឱ្យមានការឧបត្ថម្ភពីក្រុមហ៊ុនផ្សេងៗ និងមានស្តង់សម្រាប់ជ្រើសរើស ព្រឹត្តិការណ៍នេះផ្តល់ជូនសាកលវិទ្យាល័យ និងក្រុមហ៊ុននូវឱកាសណែនាំខ្លួន ក៏ដូចជាផ្សព្វផ្សាយអត្ថប្រយោជន៍ និងសេវាកម្មទៅកាន់សិស្ស-និស្សិត ដែលនឹងក្លាយជាអ្នកជំនាញនាពេលអនាគត។ យើងស្វាគមន៍ចំពោះការចូលរួមរបស់អ្នកទាំងអស់គ្នា ដើម្បីអនាគតរបស់សិស្សនិស្សិតកម្ពុជាតាមរយៈការអប់រំប្រកបដោយគុណភាព”។
“មានទីតាំងសម្រាប់ការតាំងបង្ហាញ និងសន្និបាតដែលសិស្ស-និស្សិត ឪពុក-ម្តាយ អ្នកតំណាងសកលវិទ្យាល័យ និងក្រុមហ៊ុនជួបពិភាក្សា និងចែករំលែកសំណួរ-ចម្លើយ។ លោក គង់ សុជាតិ បន្ថែម។
សម្រាប់ព័ត៌មានបន្ថែមសូមចូលទៅកាន់ទំព័រហ្វេសប៊ុក Cambodia International Education Forum ហើយសម្រាប់ការចុះឈ្មោះជាអ្នកឧបត្ថម្ភ ឬស្តង់ផ្សព្វផ្សាយ សូមទាក់ទងតាមរយៈទូរស័ព្ទលេខ 087-888-940/ 087-888-652/ 087-888-263។
គួរបញ្ជាក់ផងដែរថា វេទិកាឧត្តមសិក្សា កម្ពុជា-អន្តរជាតិ នឹងផ្តល់ឱកាសឱ្យសារធាណជន ជាពិសេសសិស្សនិស្សិតចូលរួមដោយឥតគិតថ្លៃ។ បន្ថែមពីលើនេះ ក៏នឹងមានការផ្តល់ជូនឱ្យប្រើប្រាស់នូវអ៊ីធឺណិតល្បឿនលឿនដោយឥតគិតថ្លៃពី EZECOM ផងដែរក្នុងរយៈពេលបីថ្ងៃនេះ។
ជួបគ្នាថ្ងៃ 29-30 កញ្ញា និង 01 តុលា 2017 នៅអគារកោះពេជ្រ ពីម៉ោង 9 ព្រឹក ដល់ 5 ល្ងាច!
ព្រឹត្តិការណ៍នេះ
រៀបចំដោយ ៖ Directions Advertising
ឧបត្ថម្ភផ្តាច់មុខដោយ ៖ ភេសជ្ជៈ Ize, ភេសជ្ជៈប៉ូវកម្លាំង Wurkz, ទឹកផ្លែឈើ Joop, ទឹកបរិសុទ្ធកម្ពុជា, ក្រុមហ៊ុនផ្គត់ផ្គង់សេវាអ៊ីនធឺណិត Ezecom
ដៃគូសហការ ៖ ក្រុមហ៊ុនផ្សាយពាណិជ្ជកម្ម ComZone, ក្រុមហ៊ុនផលិតកម្មពាណិជ្ជកម្ម Filmpro, ក្រុមហ៊ុនដេគ័រ The Deco, ក្រុមហ៊ុនរៀបចំពិធីការ Cambodia Events ក្រុមហ៊ុន CCR Branding and Advertising
ដៃគូផ្សព្វផ្សាយ ៖ CTN, MyTV, Lariene News, កាសែត Lariene ពាណិជ្ជ, CEN, Business Cambodia កាសែតនិង វិបសាយ Khmer Times, វិទ្យុ VAYO វិទ្យុ V.I.B.E និងវិបសាយ Biz Khmer
