ធ្លាយ​រឿង Seungri លួច​មាន​ទំនាក់ទំនង​ស្នេហ៍​ជាមួយ​តារា​ស្រី​ហ្វី​លី​ពី​ន

តាមរយៈ​សារព័ត៌មាន​កម្សាន្ដ​រប​ស់​ប្រទេស​ថៃ Teenee ដែល​ចេញផ្សាយ​នៅថ្ងៃនេះ​ថា ជា​ព័ត៌មាន​មួយ​ដែល​កំពុង​ល្បី​ពេញ​ប្រទេស​កូរ៉េខាងត្បូង​ដែល​តារាចម្រៀង​ប្រុស លោក Lee Seung Hyun ឬ Seungri សមាជិក​ចម្រៀង​ក្រុម Big Bang កំពុង​លួច​មាន​ទំនាក់ទំនង​ស្នេហា​ជាមួយ​តារា​បង្ហាញ​ម៉ូដ​ស្រី​ល្បីឈ្មោះ​មួយរូប​របស់​ប្រទេស​ហ្វី​លី​ពី​ន​យ៉ាងស្ងាត់ៗនៅលើ​ទឹកដី​កោះ​បាលី។

សារព័ត៌មាន​ខាងលើ​បានឱ្យដឹង​បន្ដទៀតថា នៅក្នុង​ពិធីជប់លៀង​ដ៏​ធំ​មួយ​នៅលើ​ទឹកដី​កោះ​បាលី ប្រទេស​ឥណ្ឌូនេស៊ី តារា​បង្ហាញ​ម៉ូដ​ស្រី​ជនជាតិ​ហ្វី​លី​ពី​ន នាង Ellen Adarna បាន​អង្គុយ​ក្បែរ​តារាចម្រៀង​ប្រុស Seungri យ៉ាង​ស្និទ្ធស្នាល​ផ្អែមល្ហែម និង​នែបនិត្យ​រហូតដល់​សាច់​ប៉ះ​សាច់​ទៀតផង។

គួរបញ្ជាក់​ផងដែរ​ថា ព័ត៌មាន​នេះ​កំពុងតែ​ផ្ទុះឡើង និង​ធ្វើឱ្យ​ភ្ញាក់ផ្អើល​ពេញ​ក្នុង​បណ្ដាញ​ពិភព​សិល្បៈ​កូរ៉េ ដែល​រហូត​មកទល់ពេលនេះ​នៅ​មិនទាន់មាន​តំណាង ឬ អ្នកគ្រប់គ្រង​តារា​នៅក្នុង​ផលិតកម្ម YG Entertaiment ណាមួយ​ចេញមក​បំភ្លឺ​អំពី​រឿងនេះ​នៅឡើយ​ទេ៕

Advertisement