តារាចម្រៀងស្រី Taeyeon សមាជិកក្រុមចម្រៀង Girls’ Generation បានរៀបរាប់អំពីហេតុការណ៍ដែលបានកើតឡើងនៅព្រលានយន្ដហោះទីក្រុង ចាការតា ក្នុងប្រទេសឥណ្ឌូនេស៊ី ខណៈដែលនាងខ្យល់គដួល និងត្រូវបៀតបៀនកេរ្តិ៍ខ្មាសនៅនឹងកន្លែងព្រោះតែមានអ្នកគាំទ្រណែនណាន់តាន់តាប់កាលពីសៀលថ្ងៃម្សិលមិញនេះ។
បើតាមសារពត៌មានកូរ៉េ koreaboo បានចេញផ្សាយឱ្យដឹងថា តារាចម្រៀងស្រី Taeyeon បានទទួលការស្វាគមន៍យ៉ាងកក់ក្ដៅពីសំណាក់អ្នកគាំទ្រជាច្រើនពាន់នាក់ដែលបានមករង់ចាំនាងនៅព្រលានយន្ដហោះ Soekarno Hatta កាលពីថ្ងៃម្សិលមិញនេះដែលធ្វើឱ្យនាងថប់ដង្ហើម និងខ្យល់គដួលភ្លាមមួយរំពេច។ តារាស្រីរូបបានបង្ហោះសារថា ” នៅក្នុងព្រលានយន្ដហោះ ខ្ញុំបានឃើញអ្នកគាំទ្រជាច្រើនបានប្រជ្រៀតគ្នាដោយមានការបន្លំប៉ះដៃជើង និងរាងកាយរបស់អ្នកគាំទ្រជានារីភេទដែលជាហេតុបណ្ដាលឱ្យនាងខ្ញុំមានការព្រួយបារម្ភអំពីការបៀតបៀនកេរ្តិ៍ខ្មាសយ៉ាងខ្លាំង រហូតដល់នាងខ្ញុំទប់ទឹកភ្នែកមិនជាប់ ហើយដួលនៅនឹងកន្លែងតែម្ដងទៅ” ។
“យ៉ាងណាក៏ដោយ នាងខ្ញុំស្អប់ទង្វើបំពានបែបនេះណាស់ អ្នកគាំទ្រដែលមករង់ចាំខ្ញុំក៏ទទួលរងនូវទង្វើអកុសលបែបនេះ ហើយរងនូវការឈឺចាប់ផងដែរ ដូច្នេះបេះដូងរបស់ខ្ញុំគ្មានអារម្មណ័ល្អទេ ដែលមកកាន់ទីនេះ ហើយរាងកាយរបស់ខ្ញុំ ព្រមទាំងដើមទ្រូងខ្ញុំ ក៏ត្រូវអ្នកគាំទ្រខិលខូចបន្លំមកប៉ះផងដែរ។ អារម្មណ៍របស់ខ្ញុំនៅពេលនោះ ខ្មាសអៀនជាទីបំផុត និងមានអារម្មណ៍ថា បានធ្វើខុសចំពោះខ្លួនឯងខ្លាំងណាស់” ។ នេះជាសម្ដីបញ្ជាក់បន្ដពីតារាស្រីខាងលើនេះ។
គួរបញ្ជាក់ផងដែរថា តារាស្រី Taeyeon ធ្វើដំណើរទៅកាន់ប្រទេសឥណ្ឌូនេស៊ី ដើម្បីចូលរួមកម្មវិធី Asian Games 2018 Countdown ជាមួយតារាស្រី Hyoyeon សមាជិកក្រុមចម្រៀង Girls’ Generation ដូចគ្នាផងដែរ៕
មានវីដេអូ
