សុខភាពល្អគឺជាអ្វីដែលយើងទាំងអស់គ្នាប្រាថ្នាចង់បាន ក៏ប៉ុន្តែនៅពេលខ្លះក៏យើងបានមើលរំលង ដោយការបរិភោគអាហារដែលមានលក់យ៉ាងសម្បូរបែបនាពេលបច្ចុប្បន្ននេះ។ សោភ័ណភាពអាហារដែលត្រូវបានច្នៃប្រឌិតឱ្យមានភាពគួរឱ្យចង់ភ្លក្ស ទាក់ទាញចិត្តឱ្យចង់ញ៉ាំ តែការពិតវិញវាធ្វើឱ្យប៉ះពាល់ដល់សុខភាពយើងដោយមិនដឹងខ្លួន។ ដូច្នេះប្រសិនបើនរណាម្នាក់មិនចង់ឱ្យអាយុខ្លីទេ គួរតែស្គាល់ពីអាហារមួយចំនួនដែលអ្នកជំនាញបានហាមឃាត់ និងគួរចៀសវាងដូចខាងក្រោមនេះ។
1.ភេស្ជជៈដែលមានជាតិហ្គាស
ភេស្ជជៈដែលមានជាតិហ្គាស ត្រូវបានរកឃើញថា សម្បូរទៅដោយសារធាតុគីមី និងបរិមាណជាតិស្ករច្រើន ប្រសិនបើអ្នកពិសាវាជារៀងរាល់ថ្ងៃនោះអ្នកនឹងប្រឈមមុខនឹងហានិភ័យនៃជំងឺទឹកនោមផ្អែមខ្ពស់ ហើយវាក៏បង្កគ្រោះថ្នាក់ដូចជាជំងឺមហារីកពោះវៀនធំ ជំងឺរលាកក្រពះ ផងដែរ។
2.ប្រភេទសាច់ពាក់កណ្តាលសម្រេច
អាហារប្រភេទសាច់ពាក់កណ្តាលសម្រេចនេះមានដូចជា សាច់ក្រក ហតដក ប្រហិតកញ្ចប់ ណែម សាច់ងៀត ដែលត្រូវបានក្រុមហ៊ុនឧស្សាហកម្មនានាផលិតឡើង គឺមានលាយផ្សំជាមួយសារជាតិគីមីច្រើនដូចជា សារធាតុការពារចំណីអាហារឱ្យមានអាយុកាលយូរ សារធាតុខ្លាញ់ច្រើន សូដ្យូម និងសារធាតុដែលការពារមិនឱ្យសើម និងស្អុយរលួយជាដើម។ ប្រសិនបើអ្នកទទួលទានអាហារសាច់ប្រភេទនេះ ក៏គ្មានគុណប្រយោជន៍អ្វីចំពោះរាងកាយអ្នកដែរ។
3.ប្រភេទនំកញ្ចប់
អាហារប្រភេទនេះ ជាអាហារកែច្នៃដែលមិនសូវមានសារធាតុអាហារូបត្ថម្ភឡើយ ហើយនៅពេលដែលយើងបរិភោគចូលទៅក្នុងរាងកាយនឹងទទួលបានតែសូដ្យូម ជាតិស្ករ និងជាតិខ្លាញ់ដែលមានបរិមាណច្រើនតែប៉ុណ្ណោះ គឺវាបង្កគ្រោះថ្នាក់ដល់រាងកាយរបស់យើង និងអ្វីដែលសំខាន់ជាងនេះទៅទៀត គឺវាអាចបណ្ដាលឱ្យកើតជំងឺមហារីកពោះវៀនធំ ជំងឺប្រព័ន្ធសរសៃឈាម និងជំងឺបេះដូងបានទៀតផង៕
