ឆ្នាំ2019​ ​វិស័យ​ខុន​ដូ​នឹង​មាន​ភាពល្អ​ប្រសើរ​ ​និង​នៅ​មាន​តម្រូវការ​ខ្ពស់​

សម្រាប់​ការ​ផ្គត់ផ្គង់​លើ​វិស័យ​ខុន​ដូ​ ​គិត​ត្រឹម​រយៈពេល​ ​2ឆ្នាំ​ចុងក្រោយ​នេះ​ ​ត្រូវ​បាន​គេ​មើលឃើញ​ថា​ ​មានការ​កើនឡើង​យ៉ាង​ខ្លាំង​ ​ខណៈ​ដែល​តម្រូវការ​ហាក់​មានកម្រិត​។​ ​យ៉ាងណាក៏ដោយ​ ​ចំពោះ​អ្នកជំនាញ​ ​ក៏ដូចជា​អ្នក​អភិវឌ្ឍន៍​លើ​វិស័យ​មួយ​នេះ​ដែរ​ ​នៅតែ​បង្ហាញ​ពី​ទំនុកចិត្ត​ខ្ពស់​ ​និង​នៅតែ​មាន​សុទិដ្ឋិនិយម​ដដែល​ ​ជាពិសេស​នៅក្នុង​ឆ្នាំ2019នេះ​តែម្ដង​ ​ដែល​ពួកគេ​ជឿជាក់​ថា​ ​ទីផ្សារ​ខុន​ដូ​នឹង​មាន​ភាព​ពុះកញ្ជ្រោល​ខ្លាំង​។​

​​​លោក​ ​សុត​ ​វិរៈ​ ​អគ្គនាយក​ក្រុមហ៊ុន​អចលនទ្រព្យ​ ​Huttons​ ​CPL​ ​Co​.​,​ ​Ltd​ ​បាន​ទទួលស្គាល់​ថា​ ​កាលពី​ឆ្នាំ​កន្លងទៅ​នេះ​ ​សម្រាប់​ទីផ្សារ​ខុន​ដូ​ពិតជា​មាន​ភាព​ស្ងប់ស្ងាត់​បន្តិច​មែន​ ​ប៉ុន្តែ​លោក​ជឿជាក់​ថា​ ​នៅ​ឆ្នាំ​ថ្មី2019នេះ​នឹង​មាន​ភាព​ប្រែប្រួល​មក​ជា​ល្អ​ប្រសើរ​ឡើងវិញ​ជាក់ជា​មិនខាន​។​ ​

លោក សុ​ត វិ​រៈ អគ្គនាយក​ក្រុមហ៊ុន​អចលនទ្រព្យ Huttons CPL Co., Ltd

​លោក​អគ្គនាយក​បាន​បញ្ជាក់​បន្ថែម​ទៀត​ថា​៖​“​ស្រប​ពេល​ចំ​នូន​ខុន​ដូ​ត្រូវ​បាន​ផ្គត់ផ្គង់​កាន់តែ​ច្រើន​នៅក្នុង​ទីផ្សារ​ ​ដែល​តម្រូវ​ឱ្យ​មានការ​ប្រកួតប្រជែង​លើ​ការ​លក់​នោះ​ ​អ្នក​អភិវឌ្ឍន៍​នឹង​ស្វែងរក​ប្រណីតភាព​នៃ​ខុន​ដូ​របស់​ខ្លួន​ ​ដើម្បី​ទាក់ទាញ​អិ​តិថិ​ជន​ដូចជា​គុណភាព​ ​សោភណភាព​ ​ទីតាំង​ ​និង​ជាពិសេស​ការ​ផ្ដល់​ភាព​ងាយស្រួល​ក្នុង​ការទិញ​ដល់​អតិថិជន​ ​ដែល​ប្រការ​នេះ​ ​វា​នឹង​ធ្វើ​ឱ្យ​និន្នាការ​នៃ​ការទិញ​-​លក់​ ​មានការ​ប្រែប្រួល​ខ្លាំង​ ​និង​អាច​

ទាក់ទាញ​អ្នកទិញ​ឱ្យ​ងាក​មករ​ក​ខុន​ដូ​ណា​ដែល​កំពុង​សាងសង់​ ​ឬ​ជិត​បញ្ចប់​គម្រោង​ ​ដើម្បី​លក់​ ​ឬ​ជួល​បន្ត​យកចំណេញ​។​​លោក​ ​សុត​ ​វិរៈ​ ​បានឱ្យ​ដឹង​ទៀត​ថា​ ​អ្នកទិញ​ខុន​ដូ​បច្ចុប្បន្ន​ ​ពិសេស​ជនបរទេស​ ​ពួកគេ​ទិញទុក​លក់​យកចំណេញ​ ​ព្រោះ​នៅ​ប្រទេស​របស់​ពួកគេ​ ​ប្រសិនជា​យក​ប្រាក់​ទៅ​ដាក់​ធនាគារ​ ​នឹង​ទទួល​បានការ​ប្រាក់​ទាប​បំផុត​ ​ប៉ុន្តែ​បើ​ទិញ​ខុន​ដូ​ទុក​លក់​យកចំណេញ​ពួកគេ​អាច​ចំណេញ​បាន​ជាមធ្យម​ប្រមាណ8​%​ ​ក្នុង​មួយឆ្នាំ​។​ ​

លោក​បន្ត​ថា​អ្នកទិញ​ខុន​ដូ​នៅ​កម្ពុជា​ភាគច្រើន​ជា​ជនជាតិ​ចិន​ ​ហុងកុង​ ​តៃវ៉ាន់​ ​និង​សិង្ហបុរី​ ​ហើយក៏​មាន​ជនជាតិ​ខ្មែរ​ជាច្រើន​ផង​ដែរ​។​​​លោក​បាន​បន្ត​ថា​ ​៖​“​សម្រាប់​ឆ្នាំ2019​ ​នេះ​ ​ខ្ញុំ​ជឿជាក់​ថា​ ​វិស័យ​ខុន​ដូ​នឹង​មាន​ភាព​កាន់តែ​ល្អ​ប្រសើរ​ឡើង​។​ ​ទី1​-​ប្រជាជន​ខ្មែរ​ភាគច្រើន​បាន​យល់​ ​និង​ស្គាល់​ពី​វិស័យ​ខុន​ដូ​កាន់តែ​ច្រើន​។​ ​ទី2​-​កត្តា​ស្ថិរភាព​នយោបាយ​ ​និង​សន្តិសុខ​ស
ង្គម​ ​បាន​កៀរគរ​អ្នក​វិនិយោគ​អន្តរជាតិ​ឱ្យ​ងាក​មករ​ក​កម្ពុជា​កាន់តែ​ច្រើន​”​។​ ​

ជាក់ស្ដែង​បច្ចុប្បន្ន​នេះ​ ​មាន​គ​ម្រោ​ង​ធំៗ​ជាច្រើន​បាន​បន្ត​សាងសង់​ជាបន្តបន្ទាប់​ ​ជាក់ស្ដែង​ដូចជា​គម្រោង​របស់​ក្រុមហ៊ុន​លំដាប់​ពិភពលោក​ ​R​&​F​ ​ដែល​ជា​ក្រុមហ៊ុន​ល្បីឈ្មោះ​លើ​វិស័យ​ខុន​ដូ​ ​ជាដើម​”​។​ជាមួយគ្នា​នេះ​ ​លោក​ក៏បាន​បង្ហើប​ពី​តម្លៃ​ជាក់ស្ដែង​នា​ពេល​បច្ចុប្បន្ន​នេះ​ផង​ដែរ​ថា​៖​“​ ​ជាទូទៅ​ចំពោះ​ការ​លក់​ខុន​ដូ​ត្រូវ​បាន​គេ​បែងចែក​ចេញ​ជា​ ​3ប្រភេទ​ ​ដោយ​ប្រភេទ​ទី1​-​ ​អាច​មានតម្លៃ​ប្រមាណ​ ​1,300ដុល្លារ​ក្នុង​មួយ​ម៉ែត្រការ៉េ​ ​ប្រភេទ​ទី2​-​ ​មានតម្លៃ​ចាប់ពី​ ​2,000ដុ

ល្លារ​ក្នុង​មួយ​ម៉ែត្រការ៉េ​ ​ហើយ​ប្រភេទ​ទី3​-​ ​មានតម្លៃ​ចាប់ពី​ ​3,200ដុល្លារ​ក្នុង​មួយ​ម៉ែត្រការ៉េ​”​។​ ​យោង​តាម​របាយការណ៍​ចុងក្រោយ​របស់​ក្រុមហ៊ុន​ ​CBRE​ ​បានឱ្យ​ដឹង​ថា​ ​ការ​ផ្គត់ផ្គង់​ខុន​ដូ​ក្នុង​រាជធានី​ភ្នំពេញ​បាន​កើនឡើង​ជិត19​%​ ​នៅ​ត្រីមាស​ចុងក្រោយ​នៃ​ឆ្នាំ2018​ ​ដោយមាន​ក្រុមហ៊ុន​ថ្មី​ចំនួន​ ​2,234​ ​បាន​ចូលរួម​នៅក្នុង​ទីផ្សារ​នេះ​។​ ​

CBRE​ ​បានឱ្យ​ដឹង​ថា​ ​គម្រោង​ថ្មី​ចំនួន8​ ​ក៏​ត្រូវ​បាន​បញ្ចប់​ហើយ​ដែរ​នៅ​ត្រីមាស​ទី4​ ​នៃ​ឆ្នាំ​កន្លងទៅ​ ​ជាមួយនឹង​គម្រោង​ផ្សេងទៀត​ដូចជា​ ​East​ ​View​,​ ​Sky​ ​31​ ​និង​ ​The​ ​View​ ​ដែល​បាន​សាងសង់​រួច​ជាង​ ​40​%​ ​នៃ​គម្រោង​ទាំងអស់​។​​​តម្លៃ​នៃ​ការ​លក់​ខុន​ដូ​នៅតែ​មិនទាន់​ផ្លាស់​ប្តូរ​នៅឡើយ​ ​ដោយ​ជាមធ្យម​ក្នុង​មួយ​ត្រីមាស​មានការ​ប្រែប្រួល​តិច​ជាង1​%​ ​នៅក្នុង​វិស័យ​នេះ​ ​តែ​តម្លៃ​លក់​បាន​ជាមធ្យម​ក៏​មានការ​ប្រែប្រួល​ខ្លះ​ដែរ​ក្នុងអំឡុងឆ្នាំ2018​ ​ដោយ​បាន​ឡើង​ដល់កម្រិត​ខ្ពស់​ប្រមាណ​ជា​ ​1,5​%​។​

លោកស្រី​ ​អាន​ ​សុធី​តា​ នាយិកា​ក្រុមហ៊ុន​ ​CBRE​ ​Cambodia​ ​បាន​មានប្រសាសន៍​ថា​៖​“​មកដល់ពេលនេះ​ការ​ផ្គត់ផ្គង់​ថ្មីនេះ​មិន​មានផល​ប៉ះពាល់​គួរ​ឱ្យ​កត់សម្គាល់​នៅឡើយ​ទេ​លើ​ការ​លក់​ ​និង​អត្រា​ការជួល​នៅក្នុង​វិស័យ​នេះ​ ​អត្រា​ការជួល​នៅតែ​មាន​ស្ថិរភាព​ ​ក្នុង​តម្លៃ​ប្រហែល​ ​14.2ដុល្លារ​ក្នុង​ ​1ម៉ែត្រការ៉េ​ក្នុង​ ​1ខែ​សម្រាប់​ត្រឹម​ពាក់កណ្តាល​នៃ​ត្រីមាស​ទី4​ ​និង​នៅក្នុង​អំឡុង​ពេល​ចុងបញ្ចប់​នៃ​ត្រីមាស​ដដែល​នេះ​ ​តម្លៃ​បាន​ធ្លាក់ចុះ​មក​នៅ​ ​11,5ដុល្លារ​ក្នុង1ម៉ែត្រការ៉េ​ក្នុង​ ​1ខែ​ ​ដែល​នេះ​ជា​ការប្រែប្រួល​ ​និង​ធ្លាក់ចុះ​បន្តិចបន្តួច​កាលពី​ចុងឆ្នាំ​កន្លងទៅ​”​។​

​លោកស្រី​ ​អាន​ ​សុធី​តា​ នាយិកា​ក្រុមហ៊ុន​ ​CBRE​ ​Cambodia

​លោកស្រី​ ​សុធី​តា​ ​បាន​ថ្លែង​ទៀត​ថា​ ​និន្នាការ​កើនឡើង​នៃ​ការ​បញ្ចប់​គម្រោង​ខុន​ដូ​នៅ​ឆ្នាំ2018​ ​នឹង​បន្ត​រហូតដល់​ឆ្នាំ2019​ ​នេះ​ ​ជាពិសេស​នៅ​ត្រីមាស​ទី1​ ​និង​ទី2​ ​ដោយសារតែ​ការ​ពន្យារពេល​ក្នុង​ការ​បញ្ចប់​របស់​គម្រោង​ខ្លះ​កាលពី​ត្រីមាស​ទី4​ ​នៃ​ឆ្នាំ2018​។​ ​លំហូរ​ចូល​ដ៏​ច្រើន​នៃ​ការ​ផ្គត់ផ្គង់​ខុន​ដូ​នេះ​ ​គឺជា​សញ្ញា​នៃ​កំណើន​ទីផ្សារ​ដ៏​រឹងមាំ​ ​ទោះជា​មានការ​ភ័យ​ខ្លាច​ខ្លះ​ៗ​លើ​ការ​ផ្គត់ផ្គង់​ច្រើនលើស​តម្រូវការ​នៅក្នុង​វិស័យ​ខុន​ដូ​នេះ​ក្ដី​ ​តែ​ក៏អាច​នៅតែ​មាន​កំណើន​បន្ត​ទៀត​ដែរ​។

លោកស្រី​នាយិកា​បានឱ្យ​ដឹង​ទៀត​ថា​៖​ ​ដូច្នេះ​ទីផ្សារ​ខុន​ដូ​នៅ​ឆ្នាំ​ថ្មីនេះ​នៅតែ​មាន​ភាពល្អ​ប្រសើរ​ ​ទាក់ទង​នឹង​ការ​ផ្គត់ផ្គង់​ ​និង​តម្រូវការ​ ​ព្រោះ​រហូត​មកទល់​ពេលនេះ​ ​មាន​ខុន​ដូ​ជាច្រើន​មិនទាន់​បាន​បញ្ចប់​ការសាងសង់​ ​និង​ដាក់​ចូល​ទីផ្សារ​នៅឡើយ​ទេ​។​ ​ម្យ៉ាងទៀត​អតិថិជន​ដែល​ទិញ​ខុន​ដូ​ ​បច្ចុប្បន្ន​បាន​ផ្លាស់​ប្តូរ​របៀប​នៃ​ការ​វិនិយោគ​របស់​ខ្លួន​ ​ដោយ​ពួកគេ​ងាក​មក​ទិញ​ខុន​ដូ​ដែល​បាន​បញ្ចប់​ ​ឬ​ជិត​បញ្ចប់​ការសាងសង់​ ​ជាជាង​ទិញ​ខុន​ដូ​ដែល​ទើប​ប្រកាស​គម្រោង​សាងសង់​៕​

Advertisement