ប្រតិបត្តិ​ករ​បណ្តាញ​ទូរស័ព្ទ​សំ​ខាន់​ៗសាកល្បង​បណ្តាញ​ 5G​ នៅ​ឆ្នាំនេះ​

June 2, 2019​ ម៉ោង 12:27 am

បញ្ញត្តិ​ករ​ទូរគមនាគមន៍​កម្ពុជា​ប្រចាំ​នៅ​កម្ពុជា​បានឱ្យ​ដឹង​ថា​ ប្រតិបត្តិ​ករ​បណ្តាញ​ទូរស័ព្ទចល័ត​ធំ​ ៗ ចំនួន3​ មាន​គម្រោង​ដាក់ចេញ​បណ្តាញ​ 5G​ ក្នុង​ការ​-សាកល្បង​នៅ​ឆ្នាំនេះ​។ ការប្រកាស​នេះ​ធ្វើឡើង​បន្ទាប់ពី​ការ​ចុះហត្ថលេខា​លើ​កិច្ច​ព្រមព្រៀង​ជាមួយ​ក្រុមហ៊ុន​ Huawei​ កាលពី​ខែមុន​លើ​ការ​ដាក់​ឱ្យ​ប្រើប្រាស់​ 5G​។

លោក​ អុីម​ វុត្ថា​ អ្នកនាំពាក្យ​ក្រសួង​ប្រៃសណីយ៍​ និង​ទូរគមនាគមន៍​ (The​ Telecommunications​ Regulator​ of​ Cambo​ dia​ TRC​) បាន​ថ្លែង​ថា​ ក្រុមហ៊ុន​ Smart​ Axiata​ ក្រុមហ៊ុន​ Cellcard​ និង​ Metfone​ មានបំណង​អនុវត្ត​ការសាកល្បង​ 5G​ នៅ​ឆមាស​ទី2​ នៃ​ឆ្នាំនេះ​។

ក្រុមហ៊ុន​ Smart​ Axiata​ បាន​ស្នើសុំ​ការអនុញ្ញាត​បើក​ដំណើរការ​បណ្តាញ​សាកល្បង​ 5G​ រួចហើយ​។លោក​បាន​មានប្រសាសន៍​ថា​៖“ក្រុមហ៊ុន​ Cellcard​ និងMetfone​ ក៏បាន​សម្តែង​នូវ​បំណង​ចង់បើ​កដំ​-ណើរ​ការ​បណ្តាញ​ 5G​ នៅ​ឆមាស​ទី2​ នៃ​ឆ្នាំនេះ​ដែរ​ ដោយ​ការសាកល្បង​នឹង​មាន​រយៈពេល​ប្រហែល​ 6ខែ​”។

នាយក​ប្រតិបត្តិ​ក្រុមហ៊ុន​ Cellcard​ លោក​ Ian​ Watson​ បាន​និយាយ​ថា​ ក្រុម​ ហ៊ុន​ របស់​លោក​នឹង​បើក​ដំណើរការ​បណ្តាញ​ 5G​ ដំបូង​របស់​កម្ពុជា​នៅ​ក្នុង​ត្រីមាស​ចុងក្រោយ​ នៃ​ឆ្នាំនេះ​។ នេះ​មិនមែន​គ្រាន់តែ​ជា​ព្រឹត្តិ​ការណ៍​ដ៏​ធំ​មួយ​សម្រាប់​ក្រុមហ៊ុន​សែល​កាត​ប៉ុណ្ណោះ​ ប៉ុន្តែ​វា​ក៏​ជាស​មិទ្ធ​ផល​ដ៏​អស្ចារ្យ​មួយ​សម្រាប់​ប្រទេស​កម្ពុជា​ដែល​អាច​ឈរ​ជា​មោទនភាព​ជាមួយ​បណ្តា​ប្រទេស​អាស៊ាន​ផ្សេង​ទៀត​ ដូចជា​កូរ៉េ​ខាងត្បូង​ ចិន​ និង​សិង្ហបុរី​ដែល​ជា​អ្នកត្រួសត្រាយ​ផ្លូវ​នៃ​បច្ចេកវិទ្យា​ 5G​។

កាលពី​ខែមុន​ក្រុមហ៊ុន​ Huawei​ របស់​ចិន​បាន​ចុះហត្ថលេខា​លើ​កិច្ច​ព្រមព្រៀង​មួយ​ ជាមួយ​ក្រសួង​ប្រៃសណីយ៍​ និង​ទូរគមនាគមន៍​កម្ពុជា​ដែល​បាន​សន្យា​ជួយ​កម្ពុជា​ក្នុង​ការ​អភិវឌ្ឍ​ហេដ្ឋារចនាសម្ព័ន្ធ5G​ ដោយ​រំពឹង​ថា​ នឹង​បើក​ដំណើរការ​នៅ​កម្ពុជា​។

ឯកឧត្តម​ សុខ​ ពុទ្ធី​វុធ​ រដ្ឋលេខាធិការ​ក្រសួង​ប្រៃសណីយ៍​ និង​ទូរគមនាគមន៍​បាន​លើកឡើង​ថា​ ដូច​បណ្តា​សេវា​រដ្ឋាភិបាល​ និង​សេវា​ឯកជន​ជាច្រើន​បាន​ប្រើប្រាស់​ការ​ទូទាត់​ការ​ចំណាយ​ និង​ដំណើរការ​ទិន្នន័យ​តាម​អន​ឡាញ​ ប្រទេស​កម្ពុជា​ក៏បាន​ផ្លាស់​ប្តូរ​ជាបន្ទាន់​ទៅ​ក្នុង​ទីផ្សារ​សម្រាប់​បណ្តាញ​ទូរគមនាគមន៍​ជំនាន់​ទី5​ (5G​) ព្រោះ5G​ នឹង​ក្លាយជា​មជ្ឈមណ្ឌល​ដ៏​ធំ​ទូលាយ​ នៃ​អនាគត​ទីក្រុង​ឆ្លាតវៃ​ ពោរពេញ​ទៅ​ដោយ​លំនៅឋាន​ និង​ការិយាល័យ​ឆ្លាត​-វៃ​ ដែល​ត្រូវ​បាន​តភ្ជាប់​ជាមួយនឹង​ឧប​ករណ៍​អុីន​ធើ​ណិ​ត។

ការ​ថ្លែង​ខាងលើ​នេះ​ ធ្វើឡើង​ក្នុង​សិក្ខាសាលា​ផ្សព្វផ្សាយ​ “កិច្ចប្រជុំ​ស្តី​ពី​ 5G​ &​; Fintech​ ប្រចាំឆ្នាំ​2019​” សិក្ខាសាលា​នេះ​មាន​គោលបំណង​សំខាន់​ គឺ​ដើម្បី​ផ្តល់​ព័ត៌មាន​លម្អិត​ទាក់ទង​នឹង​កិច្ចប្រជុំ​ស្តី​ពី​ 5G​ &​; Fintech​ ប្រចាំឆ្នាំ2019​។

លោក​បាន​បន្ត​ទៀត​ថា​ យោង​តាម​ស្មារតី​នេះ​ ក្រសួង​ប្រៃសណីយ៍​ និង​ទូរគមនាគមន៍​ និង​ក្រុមហ៊ុន​ Huawei​ បាន​ចុះហត្ថលេខា​លើ​កិច្ច​ព្រមព្រៀង​ ស្តី​ពី​ ការ​ដាក់​ឱ្យ​ប្រើប្រាស់​មុនគេ​រួមគ្នា​នូវ​បច្ចេកវិទ្យា​ទូរគមនាគមន៍​ជំនាន់​ទី5​ (5G​) នៅ​ពេល​ថ្មី​ៗនេះ​ ហើយ​ប្រទេស​កម្ពុជា​ ជា​ប្រទេស​ទី1​ នៅក្នុង​តំបន់​អាស៊ី​អាគ្នេយ៍​ ដែល​បាន​ប្រើប្រាស់​ប្រព័ន្ធ​ 5G​ មុនគេ​។

សូម​បញ្ជាក់​ផង​ដែរ​ថា​ ក្រសួង​ប្រៃសណីយ៍​ និង​ទូរគមនាគមន៍​ បាន​សហការ​ជាមួយ​ក្រុមហ៊ុន​ IDG​ក្នុង​ការរៀបចំ​កិច្ចប្រជុំ​ស្តី​ពី​ 5G​ &​; Fintech​ ប្រចាំ​ឆ្នាំ2019​ ដោយ​គ្រោង​ធ្វើ​នៅ​ថ្ងៃទី27​-28​ ខែមិថុនា​ ឆ្នាំ2019​ ខាងមុខ​៕