Luxury​ Smile​ Beauty​ Group​ Co​., LTD​ ជំរុញ​សហគ្រាស​ខ្នាត​តូច​ និង​មធ្យម​នៅ​កម្ពុជា​ឱ្យ​អភិវឌ្ឍ​ដោយ​បង្កើត​ម៉ាក​សញ្ញា​ខ្លួនឯង​សម្រាប់​ប្រកួតប្រជែង​

September 11, 2019​ ម៉ោង 3:28 pm

ការជំរុញ​ និង​អភិវឌ្ឍន៍​សហគ្រាស​ខ្នាត​តូច​ និង​មធ្យម​នៅក្នុង​ប្រទេស​ឱ្យ​មាន​ភាពរឹងមាំ​ ជា​គន្លឹះ​ដ៏​សំខាន់​ក្នុង​ការ​រួមចំណែក​ពង្រឹង​ឯករាជ​ភាព​នៃ​វិស័យ​សេដ្ឋកិច្ច​ ដែល​រាជរដ្ឋាភិបាល​បាន​ខិតខំ​ប្រឹងប្រែង​សំដៅ​សម្រេច​គោលដៅ​ក្លាយជា​ប្រទេស​មាន​ចំណូល​មធ្យម​កម្រិតខ្ពស់​នៅ​ឆ្នាំ2030​ និង​ក្លាយជា​ប្រទេស​មាន​ចំណូល​ខ្ពស់​នៅ​ឆ្នាំ2050​។

ដោយ​មើលឃើញ​ពី​ចំណុច​ប្រកបដោយ​ភាព​វិជ្ជមាន​នេះ​ក្រុមហ៊ុន​ Luxury​ Smile​ Beauty​ Group​ Co​., LTD​ ដែល​ជា​ក្រុមហ៊ុន​ផលិត​ និង​នាំចូល​គ្រឿង​ថែបំប៉ន​សម្ផស្ស​ធំជាង​គេ​តែមួយគត់​នៅ​កម្ពុជា​ បាន​ព្យាយាម​គ្រប់​លទ្ធភាព​ដើម្បី​ជំរុញ​ការ​អភិវឌ្ឍ​ម៉ាក​សញ្ញា​ខ្លួនឯង​ដល់​សហគ្រាស​ខ្នាត​តូច​ និង​មធ្យម​ដើម្បី​ធ្វើការ​ប្រកួតប្រជែង​ក្នុង​ទីផ្សារ​កម្ពុជា​។

លោក​ឧកញ៉ា​ ចិត្រ​ សិរី​សុ​ភ័ក្ត្រ​ អគ្គនាយក​ក្រុមហ៊ុន​ Luxury​ Smile​ Beauty​ Group​ Co​., LTD​ បាន​លើកឡើង​ថា​ ការ​ផ្តល់​ឱកាស​ និង​ជំរុញ​ឱ្យ​អាជីវកម្ម​ខ្នាត​តូច​ និង​មធ្យម​ ឱ្យ​មានការ​អភិវឌ្ឍ​ជា​វិជ្ជមាន​ជា​ចំណុច​សំខាន់​ដែល​ធ្វើ​ឱ្យ​សេដ្ឋកិច្ច​រីកចម្រើន​យ៉ាង​ឆាប់រហ័ស​ ព្រោះ​កាលណា​អាជីវកម្ម​ខ្នាត​តូច​ និង​មធ្យម​មានលទ្ធភាព​ពង្រីក​ខ្លួន​បាន​ល្អ​ ពួកគេ​នឹងអាច​បង្កើត​ការងារ​ជាច្រើន​ដល់​ប្រជាជន​ ទាញ​យក​ផលប្រយោជន៍​ទីផ្សារ​សម្រាប់​ដោះស្រាយ​បញ្ហា​មនុស្ស​ក្នុង​សង្គម​ និង​ធ្វើ​ឱ្យ​ចរន្ត​លុយ​មាន​សកម្មភាព​ជា​វិជ្ជមាន​នៅក្នុង​ប្រទេស​។ ស្រប​ពេល​ជាមួយគ្នា​នេះ​ដែរ​ យើង​ឃើញ​ហើយ​ថា​ នៅក្នុង​ចំណោម​អាជីវកម្ម​ដែល​កំពុង​មាន​សកម្មភាព​រស់រវើក​ទាំងឡាយ​នៅ​កម្ពុជា​ វិស័យ​ថែបំប៉ន​សម្ផស្ស​ជាផ្នែក​យ៉ាង​សំខាន់​មួយ​ដែល​កំពុង​មាន​សម្ទុះ​ខ្លាំង​ ព្រោះ​កំណើន​សេដ្ឋកិច្ច​ខ្ពស់​បាន​នាំមក​នូវ​ប្រភព​ចំណូល​កាន់តែ​ច្រើន​សម្រាប់​ប្រជាជន​នៅ​គ្រប់​ទីកន្លែង​។ ហេតុនេះ​ទាំង​នៅពេល​បច្ចុប្បន្ន​ និង​អនាគត​ មនុស្ស​នឹង​ចាប់ផ្តើម​គិតគូរ​ពី​រូប​សម្រស់​ និង​ការ​ថែរក្សា​សោភណភាព​ ដែល​ធ្វើ​ឱ្យ​អាជីវកម្ម​លើ​វិស័យ​នេះ​អាច​រីកចម្រើន​ប្រកបដោយ​និរន្តរភាព​ និង​សក្តា​នុ​ពល​ខ្ពស់​ជាប់​ជាប្រចាំ​។

លោក​ឧកញ៉ា​ ចិត្រ​ សិរី​សុ​ភ័ក្ត្រ​ បាន​មានប្រសាសន៍​ថា​៖ “ដោយ​មើលឃើញ​ពី​សក្តា​នុ​ពល​នៃ​វិស័យ​ថែបំប៉ន​សម្ផស្ស​ និង​ចង់​ចូលរួម​ចំណែក​អភិវឌ្ឍ​វិស័យ​សេដ្ឋកិច្ច​តាមរយៈ​ការ​លើកស្ទួយ​សហគ្រាស​ខ្នាត​តូច​ និង​មធ្យម​នៅ​កម្ពុជា​ ក្នុងនាម​យើង​ជា​ក្រុមហ៊ុន​ដែល​មាន​រោងចក្រ​ផលិត​គ្រឿង​ថែបំប៉ន​សម្ផស្ស​ប្រកបដោយ​គុណភាព​ និង​ស្តង់​ដា​ខ្ពស់​នៅ​ប្រទេស​ថៃ​ យើង​បាន​ផ្តល់​ឱកាស​ដល់​អ្នករក​ស៊ី​ទាំងអស់​ដែល​មានបំណង​ចង់​ពង្រីក​អាជីវកម្ម​ និង​បង្កើត​ម៉ាក​សញ្ញា​ដោយខ្លួនឯង​តាមរយៈ​ការ​ជួយ​ផលិត​ និង​ផ្តល់​សិទ្ធិ​សម្រាប់​ការចែកចាយ​យ៉ាង​ទូលំទូលាយ​នៅ​កម្ពុជា​”។

សហគ្រិន​វ័យក្មេង​ប្រកប​ដោយសក្តានុពល​ខាងលើ​បាន​លើកឡើង​ផង​ដែរ​ថា​ ក្រុមហ៊ុន​ Luxury​ Smile​ Beauty​ Group​ Co​., LTD​ មិន​ត្រឹមតែ​អាច​សម្រេច​ក្តី​ស្រមៃ​ដល់​ម្ចាស់​សហគ្រាស​ខ្នាត​តូច​ និង​មធ្យម​ក្នុង​ការ​ទទួល​បាន​ផលិតផល​ដែល​មាន​ម៉ាក​សញ្ញា​របស់​ខ្លួនឯង​ប្រក​ដោយ​គុណភាព​ប៉ុណ្ណោះ​ទេ​ តែ​ក្រុមហ៊ុន​ក៏​ជួយ​ដល់​ម្ចាស់​អាជីវកម្ម​ផ្នែក​សម្ផស្ស​ទាំងអស់​ឱ្យ​យល់ដឹង​ពី​ផ្លូវច្បាប់​យ៉ាង​លម្អិត​តាមរយៈ​ការ​ផ្តល់​សេវា​ពិគ្រោះ​ពិភាក្សា​ផ្តល់​យោបល់​ផ្លូវច្បាប់​ថែមទៀត​ផង​។ ការ​ធ្វើបែប​នេះ​ គឺ​បង្ហាញ​ពី​ការ​គិតគូរ​គ្រប់ជ្រុងជ្រោយ​ដល់​ម្ចាស់​អាជីវកម្ម​ផ្នែក​សម្ផស្ស​ទាំងអស់​ ឱ្យ​មាន​សមត្ថភាព​ក្នុង​ការ​អភិវឌ្ឍ​មុខរបរ​ប្រកបដោយ​និរន្តរភាព​។

សូម​បញ្ជាក់​ផង​ដែរ​ថា​ ក្រុមហ៊ុន​ Luxury​ Smile​Beauty​ Group​ Co​., LTD​ ជា​ក្រុមហ៊ុន​ផ្តល់​សិទ្ធិ​អាជីវកម្ម​ដ៏​ធំ​មួយ​ដែល​មាន​រោងចក្រ​ផលិត​គ្រឿងសម្អាង​នៅ​ប្រទេស​ថៃ​ និង​ជា​ក្រុមហ៊ុន​នាំចូល​ផលិត​ផលល្បីៗ​ប្រកបដោយ​គុណភាព​ខ្ពស់​នៅ​ក្នុង​ទីផ្សារ​កម្ពុជា​ ហើយក៏​ជា​ក្រុមហ៊ុន​ដ៏​ធំ​មួយ​នៅ​ក្នុង​ប្រទេស​ថៃ​ដែល​ទទួល​ផលិត​រាល់​ផលិតផល​ថែរក្សា​សម្រស់​គ្រប់​ប្រភេទ​ និង​ផលិតផល​ប្រើប្រាស់​ទូទៅ​ជាច្រើន​ប្រភេទ​ទៀត​ ដែល​មាន​បទ​ពិសោធ​ខ្ពស់​ និង​មានការ​ទទួលស្គាល់​យ៉ាង​ទូលំទូលាយ​ពី​អាជីវករ​ និង​ពាណិជ្ជករ​កម្ពុជា​ និង​ថៃ​ជាច្រើន​ស្ថាប័ន​៕