គណនី Apple ID ជាច្រើនត្រូវបានបិទដោយស្វ័យប្រវត្តិ និងមិនដឹងមូលហេតុ

ថ្មីៗនេះ អ្នកប្រើប្រាស់ iPhone ជាច្រើននាក់បានជួបប្រទះ​នូវ​បញ្ហា​ធំ​មួយ គឺ​គណនី Apple ID ត្រូវបាន​បិទ (Lock) ដោយ​ស្វ័យប្រវត្តិ ដែលជា​ហេតុ​ធ្វើឱ្យ​ពួកគាត់​មិនអាច​ប្រើប្រាស់ Apple ID បាន។

ជាធម្មតា Apple នឹងធ្វើ​ការបិទ​គណនី Apple ID ភ្លាមៗប្រសិនបើ​គណនី​មួយ​នោះ​មានការ​ព្យាយាម Login ចូល​ច្រើនដង ឬ​វាយ​ពាក្យ​សម្ងាត់​ខុស ប៉ុន្តែ​បញ្ហា​កើតមានឡើង​នៅពេលនេះ​គឺ​នៅសុខៗស្រាប់-តែ​ឃើញ​សារ​បញ្ជាក់ថា Apple ID ត្រូវបាន​បិទ។

ពាក់ព័ន្ធ​នឹង​បញ្ហា​នេះ ខាង​ក្រុមហ៊ុន Apple មិនបាន​ចេញមុខ​បំភ្លឺ​នោះទេ ប៉ុន្តែ​អ្វីដែល​សំខាន់​នោះ គឺ​អ្នកប្រើប្រាស់​ដែល​ជួប​បញ្ហា​នេះ ត្រូវតែ​ធ្វើការ Reset លេខ​សម្ងាត់​ជាថ្មី​ឡើងវិញ ទើប​អាច​ប្រើ​បាន។

មាន​អ្នកប្រើប្រាស់​ជាច្រើន​នាក់​បាន​រអ៊ូរទាំ​អំពី​បញ្ហា​នេះ ជាពិសេស គឺ​ពួកគាត់​ព្យាយាម​វាយ​ពាក្យ​សម្ងាត់​របស់គាត់​ច្រើនដង ប៉ុន្តែ​បែរជា Apple ថា មិន​ត្រឹមត្រូវ និង​តម្រូវឱ្យ​គាត់​ប្រើពាក្យ​សម្ងាត់​ថ្មី ដល់ពេលគាត់​ប្រើពាក្យ​សម្ងាត់​ថ្មី ក៏​នៅតែ​មិនអាច​ប្រើ​បាន​ដដែល៕

Advertisement