Mazda ត្រៀម​ផលិត​រថយន្ត​ប្រើ​ចរន្តអគ្គិសនី​ដំបូង​បំផុត​របស់ខ្លួន

ក្រុមហ៊ុន​ផលិត​រថយន្ត​លំដាប់​កំពូល​មួយ​របស់​ជប៉ុន Mazda Motor Corporation ដែល​ភាគច្រើន​គេ​និយម​ហៅថា Mazda ត្រូវបាន​សារព័ត៌មាន​ក្នុងស្រុក​ចេញផ្សាយ​ថា នៅ​ឆ្នាំ2020 ក្រុមហ៊ុន​មួយ​នេះនឹង​ចាប់ផ្ដើម​ដាក់ឱ្យ​ប្រើប្រាស់រ​ថ​យន្ត​ប្រើ​ចរន្តអគ្គិសនី​ជំនាន់​ថ្មី និង​ដំបូង​បំផុត​របស់ខ្លួន។

នាយក​ប្រតិបត្តិ​ក្រុមហ៊ុន Mazda ប្រចាំ​ទ្វីបអឺរ៉ុប​ លោក Jeff Guyton បានបញ្ជាក់ ក៏ដូចជា​ឆ្លើយតប​ទៅនឹង​ព័ត៌មាន​ខាងលើ​នេះដែរ​នៅក្នុង​បទ​សម្ភាស​ជាមួយ​សារព័ត៌មាន Automotive ថា “រថយន្ត EV ដែល​នឹង​ចាប់ផ្តើម​នៅ​ឆ្នាំ2020 នឹងត្រូវ​ប្រើប្រាស់​បច្ចេកវិទ្យា​ផ្ទាល់​របស់ Mazda ពោលគឺ មិន​ប្រើ​បច្ចេកវិទ្យា​រួម​របស់​ក្រុមហ៊ុន Toyota និង​Denso ឡើយ។

លោក Jeff Guyton បានបញ្ជាក់​បន្ថែមទៀត​ថាសម្រាប់​បច្ចេកវិទ្យា​រួម​ដែល​យើង​កំពុង​ប្រើ​ជាមួយ​ក្រុមហ៊ុន Toyota និង​Denso នឹងត្រូវ​យកទៅ​ប្រើប្រាស់​ជាមួយ​រថយន្ត​ប្រភេទ​ផ្សេង​ក្រោយ​ទៀត ហើយ​នៅពេលនេះ​ក្រុមហ៊ុន Mazda កំពុង​រៀបចំ​គម្រោង​ផលិត​រថយន្ត​ជំនាន់​ថ្មី​នៃ​ម៉ូ​ដែល mild-hybrid ដោយ​ប្រើប្រាស់ Skyactiv-X ជំនាន់​ថ្មី​ដែល​នឹង​ចាប់ផ្តើម​នៅ​ឆ្នាំក្រោយ​ដោយ​ការផលិត​នៅ​ទ្វីបអឺរ៉ុប៕

Advertisement