ក្រសួង​អប់រំ​ចុះ​ ​MoU​ ​ជាមួយ​សាកល​វិទ្យាល័យ​កូរ៉េ​លើ​ការ​កែ​លម្អ​បរិស្ថាន​សិក្សា​ ​និង​អភិវឌ្ឍ​ធនធានមនុស្ស​

June 3, 2019​ ម៉ោង 9:57 am

​ក្រសួង​អប់រំ​ ​យុវជន​ ​និងកីឡា​ ​ថ្មី​ៗ​នេះ​បាន​ចុះ​អនុស្សរណៈ​នៃ​ការយោគយល់​គ្នា​ជាមួយ​សាកល​វិទ្យាល័យ​ ​Korea​ ​Soongsil​ ​Cyber​ ​(​KCU​)​ ​នៃ​សាធារណរដ្ឋ​កូរ៉េ​ ​លើ​គម្រោង​ ​«​កែ​លម្អ​បរិស្ថាន​សិក្សា​ ​និង​អភិវឌ្ឍ​ធនធានមនុស្ស​។​

​កិច្ច​ព្រមព្រៀង​ដ៏​សំខាន់​នេះ​នឹង​ជួយ​ដល់​ការអប់រំ​នៅ​កម្ពុជា​ចំនួន​ ​10ចំណុច​ ​ដូចជា​ទី1​ ​គឺ​ព្រមព្រៀង​បង្កើត​ស្ទូឌីយោ​សម្រាប់​ការសិក្សា​តាម​ប្រព័ន្ធ​អេឡិចត្រូនិក​ដើម្បី​ធ្វើជា​មជ្ឈមណ្ឌល​ក្នុង​ការផលិត​មាតិកា​អប់រំ​។​ ​ទី2​ ​បង្កើត​កម្មវិធី​ផ្លាស់​ប្តូរ​មន្ត្រី​អប់រំ​ដើម្បី​សិក្សា​ស្វែងយល់​ពី​ជំនាញ​បន្ថែម​។​ ​ចំណុច​ទី3​ ​គឺ​បង្កើត​កិច្ចសហការ​លើ​គម្រោង​ស្រាវជ្រាវ​។​ ​ទី4​ ​ជំរុញ​ការ​អភិវឌ្ឍ​ការ​បង្រៀន​ ​និង​រៀន​ឱ្យ​កាន់តែ​ប្រសើរ​ឡើង​។​ ​ទី5​ ​ផ្តល់​ការ​បណ្តុះបណ្តាល​ដល់​មន្ត្រី​ពាក់ព័ន្ធ​នៅ​កម្ពុជា​។​ ​ទី6​ ​រៀប​ចំ​សិន្​និ​សីទ​ ​និង​សិក្ខាសាលា​ដល់​ភាគី​ពាក់ព័ន្ធ​។​ ​ទី7​ ​ការ​ផ្លាស់​ប្តូរ​ព័ត៌មាន​សិក្សា​ ​និង​សម្ភារ​សិក្សា​។​ ​ទី8​ ​ជំរុញ​ឱ្យ​មាន​កិច្ច​សហប្រតិបត្តិ​ការ​គ្នា​ទៅវិញទៅមក​។​ ​ទី9​ ​អភិវឌ្ឍ​មាតិកា​សិក្សា​តាម​ប្រព័ន្ធ​អេឡិចត្រូនិក​ ​និង​ទី10​ ​គឺ​បង្កើត​វេទិកា​សិក្សា​ ​(​platform​)​ ​តាម​ប្រព័ន្ធ​អេឡិចត្រូនិក​។​ ​

​កិច្ច​ព្រមព្រៀង​នេះ​ ​ត្រូវ​បាន​ចុះហត្ថលេខា​ដោយ​ឯកឧត្តម​ ​ហង់​ ​ជួន​ណា​រ៉ុន​ ​រដ្ឋមន្ត្រី​ក្រសួង​អប់រំ​ ​យុវជន​ ​និងកីឡា​ ​និង​បណ្ឌិត​ ​Chung​ ​Moosung​ ​សាកល​វិទ្យា​ធិការ​នៃ​សាកល​វិទ្យាល័យ​ ​Korea​ ​Soonsil​ ​Cyber​ ​(​KCU​)​៕​ ​