ក្រុមហ៊ុន Oppo នៅចិន ចេញស្មាតហ្វូនថ្មីមួយទៀត តម្លៃសមរម្យតែកម្លាំងខ្លាំង

ស្មាតហ្វូន Oppo K5 ត្រូវបានបង្ហាញមុខព្រមជាមួយ Reno Ace របស់ក្រុមហ៊ុន Oppo នៅថ្ងៃប្រកាសបង្ហាញទី10 ខែតុលា កន្លងទៅ ដែលមានរចនាប័ទ្មបែបដំណក់ទឹកអេក្រង់ 6.4អ៊ិញ។
ឯម៉ូដែល K5 ដែលជាស្មាតហ្វូនធុនមធ្យមឯណោះវិញ ក៏មិនធម្មតាដែរ (ស្រដៀងនឹង Xioami Realme X2) បង្កប់ដោយថាមពលថ្ម 3920មីល្លីអំពែរម៉ោង មានដុំសាក 30វ៉ាត់(VOOC 2.0) ដែលមានសមត្ថភាពអាចបញ្ចូលថ្មឱ្យពេញបាន 100%ត្រឹមតែ 67នាទី ជាមួយនឹងបន្ទះឈីប Snapdragon 730G មានជម្រើស RAM 8GB មេម៉ូរី 256GB។
សមត្ថភាពកាមេរ៉ា 4គ្រាប់ខាងក្រោយ(64+8+2+2 MP) មានតួនាទីផ្សេងគ្នាដែលមានទាំងលេនស៍ Ultrawide-angle(119ដឺក្រេ FoV ជាសេនស័រ 8MP) ចំណែកកាមេរ៉ាមុខទំហំ 32MP មានបង្កប់បច្ចេកវិទ្យាកាមេរ៉ា AI ផងដែរ។ សម្រាប់តម្លៃលក់ គឺប្រមាណជា 268ដុល្លារ(នៅចិន) ហើយវានឹងមានវត្តមាននៅលើទីផ្សារកម្ពុជាក្នុងពេលឆាប់ៗនេះផងដែរ៕