​បើ​ចេញ​រាង iPhone 11 និង iPhone 11 Plus ដាក់​​កាមេរ៉ា​បែប​នេះ ម៉េច​ដែរ?

March 16, 2019​ ម៉ោង 10:26 am

​រូប​ភាព render(​រូប​មិន​ផ្លូវការ​) នៃ iPhone 11 និង iPhone 11 Plus ​កំពុង​ល្បី​ល្បាញ​ពេញ​អ៊ីនធើណិត ​និង​បណ្ដាញ​គេហទំព័រ​បច្ចេកវិទ្យា​បរទេស​បាន​ចុះ​ផ្សាយ​ព្រោង​ព្រាត​ពី​ព័ត៌មាន​នៃ​ទីតាំង​កាមេរ៉ា​ក្រោយទាំង3 លើ iPhone 11 និង iPhone 11 Plus របស់​ក្រុមហ៊ុន Apple។

ចំពោះ​សមត្ថភាព​ខ្លាំង​ខាង​ចាប់​យក​រូបភាព និង​វីដេអូ រួម​ទាំង​ទំហំ​នៃ​កម្រិត​សេនស័រ​យ៉ាង​ណា​នោះក៏​មិន​ទាន់​ប្រាកដ ​ឬ​ដឹង​ច្បាស់​នៅ​ឡើយទេ។ ចំពោះ​សមត្ថភាព​ខ្លះៗទៀត​ដែល​យើងបានដឹង គ្រាន់​តែ​ជា​រំពឹង​ទុក​របស់​អ្នកតាម​ដានជិត​ស្និទ្ធ​ពី​ផលិតផល​របស់ Apple តែប៉ុណ្ណោះ​។

​ម្យ៉ាង​ទៀត​ជម្រើស​នៃ​ទីតាំង​កាមេរ៉ា​ក្រោយទាំង3 នេះ​ មិន​មែន​ជា​រឿង​ថ្មី​ទេ ព្រោះ​គេ​ប្រទះ​ឃើញ​មាន​រូបភាព​មិន​ផ្លូវការ​បែប​នេះ​ជា​ច្រើន​មក​ហើយ តែ​យ៉ាង​ណា​ក្តី ​វា​អាច​នឹង​មាន​មួយ​ដែល​ត្រឹម​ត្រូវ ដូច​នេះ​សុំ​រង់​ចាំ​ការ​ប្រកាសជា​ផ្លូវការ​ពី Apple ផ្ទាល់​នៅ​អំឡុង​ខែ​កញ្ញា​ខាង​មុខ​នេះ៕