iOS​ ​13​ ​មានកម្ម​វិធី​តាមដាន​សុខភាព​ថ្ម​ ​មិន​ឱ្យ​ ​iPhone​ ​សាក​ថ្ម​លើស​ពី​ ​80​%​ ​ទេ​

June 10, 2019​ ម៉ោង 2:43 pm

​នៅ​លើ​ ​iOS​ ​13​ ​ពេល​ដំណើរការ​មុខងារ​នេះ​ ​iPhone​ ​នឹង​មិន​សាក​ថ្ម​ឱ្យ​លើស​ពី​ ​80​%​ ​ទេ​ ​ដែល​ ​Apple​ ​ឱ្យឈ្មោះ​ថា​ ​មុខងារ​ ​”​Optimized​ ​Battery​ ​Charging​”​។​ ​មុខងារ​នេះ​ស្រដៀងនឹង​មុខងារ​លើ​រថយន្ត​ ​Tesla​ ​ដែល​កំណត់​រថយន្ត​មិន​ឱ្យ​សាក​អាគុយ​ដល់​ ​100​%​ ​បាន​ដូចគ្នា​។​ ​

​ដូច្នេះ​ ​ពេល​ថ្ម​ទូរស័ព្ទ​សាក​បាន​ត្រឹម​ ​80​%​ ​និង​ប្រើប្រាស់​ឱ្យ​នៅសល់​ថ្ម​ ​20​%​ ​គឺ​ល្អ​សម្រាប់​សុខភាព​ថ្ម​ ​ជាជាង​ការ​សាក​ថ្ម​ពេញ​ដល់​ ​100​%​ ​និង​ប្រើ​អស់​ដល់​ ​០​%​ ​នោះ​។​

​គួរ​បញ្ជាក់​ដែរ​ថា​ ​មុខងារ​ ​Battery​ ​Health​ ​ដែល​ជា​កម្មវិធី​បង្ហាញ​នូវ​ក្រា​ហ្វ​នៃ​កម្រិត​ភាគរយ​ថ្ម​ ​ឱ្យ​ឃើញ​យ៉ាង​ច្បាស់​តែម្ដង​។​ ​វា​អាច​ជួយ​ឱ្យ​អ្នកប្រើ​ប្រាស់​ដឹង​ថា​ ​កម្មវិធី​ណាមួយ​លើ​ ​iDevice​ ​របស់​អ្នក​ស៊ី​ថ្ម​ជាងគេ​ ​និង​តាមដាន​រាល់​កម្រិត​ភាគរយ​នៅ​លើ​កម្មវិធី​នោះ​។​ ​

​iOS​ ​13​ ​ប្រភេទ​ ​Public​ ​Beta​ ​នឹង​បើក​ឱ្យ​អ្នកប្រើ​ប្រាស់​ទូទៅ​សាកល្បង​បាន​ចាប់ពី​ខែកក្កដា​តទៅ​៕​