ទូរស័ព្ទអេក្រង់បត់ Samsung Galaxy Flip តម្លៃប៉ុណ្ណឹង ចង់បានអត់? (មាន​វីដេអូ)

តាំងពីថ្ងៃទី14 ខែកុម្ភៈ 2020 កន្លងមក ក្រុមហ៊ុន Samsung បានប្រកាសបើកលក់ Galaxy Z Flip ដែលប្រកាសចេញមុនគេក្នុងកម្មវិធី Unpacked ។ វាពិតជាបានបង្ហាញថា Samsung មានការខ្វល់ខ្វាយខ្លាំងលើ ការអភិវឌ្ឍស្មាតហ្វូនអេក្រង់បត់ បន្ទាប់ពី Galaxy Fold ដែលបានប្រកាសចេញលក់កាលពីឆ្នាំមុន មានបញ្ហា​អេក្រង់ខ្លះៗ។

Galaxy Z Flip ដែលកំពុងលក់នៅលើទីផ្សារបរទេសជាមួយតម្លៃ 1,380ដុល្លារ មានជម្រើសពណ៌ខ្មៅលាយផ្កាឈូកស្រាល ឬ ស្វាយ និងខ្មៅសុទ្ធ។

Galaxy Z Flip មានបំពាក់ដោយអេក្រង់បត់ប្រភេទ AMOLED ទំហំ 6.7អ៊ីញ អាចបង្ហាញរូបភាពក្នុងកម្រិត​ 1080×2636 ភិកសែល។ អេក្រង់ទី2 ទំហំ 1.1អ៊ីញ ប្រភេទ Super AMOLED បន្ទះឈីប Snapdragon 855+ មាន RAM ទំហំ 8GB និងអង្គផ្ទុកទិន្នន័យ 128GB កាមេរ៉ាមេមានកម្រិត 12MP និងកាមេរ៉ាទី2 ប្រភេទ Ultra-Wide កម្រិត 12MP កាមេរ៉ា Selfie កម្រិត10MP ទ្រនាប់ស្គែនម្រាមដៃនៅផ្នែកចំហៀងផង និងថ្មទំហំ 3300mAh ដែលអាចសាកបានលឿន 15វ៉ាត់ និងសាកដោយមិនប្រើខ្សែក៏បានផងដែរ។

សូមទស្សនាវីដេអូខាងក្រោម៖

Advertisement