អ៊ឹម​ ជីវ៉ា​ តំណាងឱ្យសមាគមសិល្បករខ្មែរយកថវិកាមូលនិធិប្រគល់ជូនសិល្បការិនីចាស់ជរា​ សាន​ គឹមហួយ​

បើតាមរយៈទំព័រហ្វេសប៊ុក សមាគមមិត្តសិល្បៈស្ម័គ្រចិត្តជួយសង្គម  នៅថ្ងៃទី13 ខែកុម្ភៈ ឆ្នាំ2018នេះ បានឱ្យដឹងថា លោក​ អ៊ឹម​ ជីវ៉ា​ តំណាងឱ្យ​សមាគមសិល្បករខ្មែរបានយកថវិកាមូលនិធិសិល្បករចាស់ជរា​ទៅប្រគល់ជូនដល់លោកយាយ​ សាន​ គឹមហួយ​ ដែលលោកយាយគឺជាសិល្បការិនីផ្នែកចម្រៀងបុរាណ និងកាត់សក់ជំនាន់មុន​។

នៅក្នុងនោះ មានថវិកាចំនួន 40ម៉ឺនរៀលដែលបានឧបត្ថម្ភដោយ​លោក​ ពេជ្រ​ កែវមុនី​ អភិបាលខណ្ឌមានជ័យផងដែរ។ ក្នុងឱកាសនេះផងដែរ យើងខ្ញុំទាំងអស់គ្នាសូមថ្លែងអំណរអរគុណដល់សប្បុរសជនទាំងអស់ដែលបានជួយឧបត្ថម្ភដល់សិល្បករចាស់ជរា ជាពិសេសសូមថ្លែងអំណរគុណដល់ សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ដែលបានឧបត្ថម្ភថវិកា 1ឆ្នាំ 5ម៉ឺនដុល្លារ ដើម្បីទ្រទ្រង់ដល់សិល្បករចាស់ជរា។  

ដើម្បីឱ្យកាន់តែជាក់ច្បាស់បន្ថែមទៀត សូមទស្សនារូបភាពទាំងឡាយខាងក្រោមនេះ៖

Advertisement