ចុំ!? គ្រាប់ពេជ្រថ្មីៗរបស់ផលិតកម្មរស្មីហង្សមាស សុទ្ធតែមានឈ្មោះ «ថៃ»

April 10, 2018​ ម៉ោង 9:00 am
0

តើជារឿងចៃដន្យ ឬយ៉ាងណាដែរ ដែលតារាថ្មីៗខ្លាំងៗរបស់ផលិតកម្មរស្មីហង្សមាស នាពេលបច្ចុប្បន្ននេះសុទ្ធតែមានឈ្មោះ «ថៃ» ដល់ទៅ 3ដួង ហើយសុទ្ធតែប្រុសទាំងអស់ទៀត រួមមាន លោក ថែល ថៃ ម្ចាស់ពានកម្មវិធីប្រឡងចម្រៀងលំដាប់ពិភពលោក The Voice Cambodia រដូវកាលទី2។ កុមារា ពេជ្រ ថៃ ជាម្ចាស់ជយលាភីកម្មវិធីប្រឡងចម្រៀងកុមារលំដាប់ពិភពលោក The Voice Kids Cambodia ដំបូងគេបង្អស់ និងក្រោយគេគឺលោក គ្រី ថៃពៅ ដែលទើបតែក្លាយជាម្ចាស់ពានរង្វាន់កម្មវិធី Cambodia Idol រដូវកាលទី 3 ថ្មីៗនេះ។

1- លោក ថែល ថៃ

បេក្ខជន ថែល ថៃ បានលើកពាន The Voice Cambodia នៅរដូវកាលនោះ បន្ទាប់ពីលោកបានបកស្រាយបទចម្រៀងក្នុងវគ្គផ្ដាច់ព្រ័ត្រ ហើយត្រូវបានទស្សនិកជនបោះឆ្នោតឱ្យដោយសំឡេងច្រើននាំមុខគេ។ លោកទទួលបានទឹកប្រាក់ រង្វាន់ 100លានរៀល និង2ពាន់ដុល្លារផ្សេងទៀត ព្រមជាមួយកុងត្រាពេញសិទ្ធិនៅក្នុងផលិតកម្មហង្សមាសមួយទៀត។ លោកគឺជាអតីតអ្នកចម្រៀងប្រចាំក្លិបកម្សន្ដមួយ មុនពេលទទួលបានពាននេះ។

2-កុមារា ពេជ្រ ថៃ

ក្រៅពីការទទួលបានពានរង្វាន់ The Voice Cambodia រដូវកាលទី2ហើយ ​កុមារា ពេជ្រ ថៃ ​នៅបានទទួលទឹកប្រាក់100លានរៀលដែលជាកញ្ចប់​ប្រាក់​​​អាហារូបករណ៍លើការសិក្សា និងសម្រាប់ទស្សនកិច្ចនៅប្រទេស​​ជប៉ុន អមដោយ​​​​​​ថវិកាជាសាច់ប្រាក់សុទ្ធ​ចំនួន ​​10លានរៀលពីម្ចាស់ឧបត្ថម្ភកម្មវិធី ទឹកប្រាក់ 3ពាន់ដុល្លារ​ពីសម្ដេច​នាយករដ្ឋមន្ត្រី និង ទទួលបានរង្វាន់ជា​​ទឹក​​ប្រាក់​​ជាច្រើន​​ផ្សេងទៀត។

3-លោក គ្រី ថៃពៅ

លោក គ្រី ថៃពៅ ទទួលបានប្រាក់រង្វាន់ចំនួន 150លានរៀល ប្រហែលជាជាង 30,000ដុល្លារ ព្រមជាមួយកិត្តិយសក្នុងនាមជាម្ចាស់ពាន Cambodian Idol ក្នុងរដូវកាលទី3។ ក្រៅពីនោះ លោកក៏ត្រូវបានកំណត់ឱ្យក្លាយជាតារាចម្រៀងជាប់កុងត្រាប្រចាំផលិតកម្មរស្មីហង្សមាសពេញរយៈពេល1ឆ្នាំ ក្នុងនាមជាតារាចម្រៀងពេញសិទ្ធិទៀតផង៕

ចែករំលែក

គាំទ្រកាសែតឡារ៉ែនពាណិជ្ជ សូមជូយចុច Like & Share Facebook Page ខាងក្រោម

គាំទ្រទស្សនាវដ្ដីឡារ៉ែន សូមជូយចុច Like & Share Facebook Page ខាងក្រោម