ហាង​គុយទាវ ឡាំ​ឌួ​យ របស់ ឌុ​ច ​លីដា បាន​បិទទ្វារ​ហើយ

May 11, 2018​ ម៉ោង 9:51 am
0

ទើបតែ​បាន​ក្លាយខ្លួនជា​ថៅកែ​ស្រី​នៃ​ហាង​គុយទាវ ឈ្មោះ “ឡាំ​ឌួ​យ” ដែលមាន​រូប​សត្វ​ក្រពើ​ត្លុក​ជា​និមិត្តសញ្ញា ស្ថិតនៅ​ម្ដុំ​ខាងក្រោយ​វិទ្យាស្ថាន វ៉ានដា គណនេយ្យ មិនទាន់បាន​ប៉ុន្មាន​ផង​នោះ ពេលនេះ​ទីតាំង​ហាង​គុយទាវ​ឡាំ​ឌួ​យ​របស់​នាង​ត្រូវបាន​បិទទ្វារ ហើយ​ជំនួស​មកវិញ​នូវ​ស្លាក​ប្រកាស​ជួល​ផ្ទះ​ទៅវិញ។ យ៉ាងណាក៏ដោយ គេ​នៅ​មិនទាន់​ដឹងថា តើ​ជាការ​ផ្លាស់ប្ដូរ​ទីតាំង​ថ្មី ឬ​ជាការ​សម្រេច​បិទ​អាជីវកម្ម​ដោយសារ​ភាពមិន​ជោគជ័យ​នោះទេ ខណៈដែល​ម្ចាស់​សាមីខ្លួន​នៅ​មិនទាន់​ចេញមុខ​បកស្រាយ​ចម្ងល់​នៅឡើយ។

ហាង​គុយទាវ​ឡាំ​ឌួ​យ ដែលមាន​ទីតាំង​នៅក្រោយ​វិទ្យាស្ថាន វ៉ាន់ដា គណនេយ្យ ដែល​គេ​ដឹង​ថាជា​កម្មសិទ្ធិ​របស់​កំពូល​តារា​សម្តែង​ស្រី​ស្រស់ ឌុ​ច លីដា នោះ​ត្រូវបាន​បិទទ្វារ​ជា​យូរថ្ងៃ​មកហើយដោយ​ម្ចាស់ផ្ទះ​នោះបាន​ដាក់​ស្លា​កថា“ផ្ទះជួល” ទៅវិញ ទើប​គេ​សន្និដ្ឋានថា លីដា បាន​រំសាយ​បុគ្គលិក​អស់ហើយ ដោយសារ​មិន​ទទួលបាន​ជោគជ័យ​តាម​គម្រោងការ។ បើតាម​ការ​ឱ្យដឹងពី​អ្នកជិតខាង​នៅ​ជុំវិញ​ហាង​ឡាំ​ឌួ​យ បាន​បញ្ជាក់ថា ហាង​នេះ​លក់​មិនសូវ​ដាច់​ទេ ហើយយូរៗម្តង​គេ​ឃើញ​តារា​សម្តែង និង​អ្នកដឹកនាំ​ដែលជា​អ្នក​រួម​អាជីព​ជាមួយ លីដា ចូល​ញ៉ាំ​ម្តងម្កាល​ប៉ុណ្ណោះទើប​ចុងក្រោយ ស្រាប់តែ​បិទទ្វារ ហើយ​ម្ចាស់ផ្ទះ​គេ​ដាក់​ប្រកាស​រក​អ្នក​ជួល​ផ្ទះ​ទៅវិញ។

ពាក់ព័ន្ធ​ទៅនឹង​ការសម្រេច​បិទ​ហាង គុយទាវ ឡាំ​ឌួ​យ របស់ ឌុ​ច លីដា ខាងលើនេះ គេ​នៅ​មិនទាន់​ទទួលបាន​ចម្លើយ​បញ្ជាក់​ពី​ថៅកែ​ស្រី​រូបនេះ​នៅឡើយ​នោះទេ ដោយសារ​ទូរស័ព្ទ​រប​ស់​នាង​ដែល​ធ្លាប់ប្រើ​ត្រូវបាន​បិទ​មិនអាច​ទាក់ទង​បាន។ តែ​ការបើក​ដំណើរការ​ហាង​គុយទាវ​ឡាំ​ឌួ​យ នេះ កន្លងមក​តារា​សម្តែង​រូបនេះ បាន​ប្រាប់ថា នាង​ចំណាយ​ទុន​ប្រមាណ​ជាង3ម៉ឺន​ដុល្លារ​អាមេរិក ទើប​ចេញ​ជា​រូបរាង​បាន ហើយ​នាង​ថែមទាំង​មានជំនឿថា អាច​នឹង​ជោគជ័យ​ទៀតផង ព្រោះថា គុយទាវ​នោះ ពិសេស​ជាង​ហាង​ដទៃទៀត។ ប៉ុន្តែ ក្តី​រំពឹង​របស់ ឌុ​ច លីដា ហាក់ដូចជា​មិន​ដូច​បំណង​នោះឡើយ ព្រោះថា នៅ​ម្តុំ​នោះ​មាន​ហាង​អាហារ​ដ្ឋា​ន​ច្រើន ហើយ​ភាគច្រើន​ជា​សិស្សសាលា មិនសូវមាន​ប្រាក់​ចូល​ញ៉ាំ​គុយទាវ​ប្រេន​ប្រេន​នោះទេ ទើប​ចុងក្រោយ ធ្វើឱ្យ​ថៅកែ​ស្រី លីដា ដួល​បះជើង​ខាត​ឡុងចុង​កណ្តាលផ្លូវ​បែបនេះ។

គួរកត់សម្គាល់​ផងដែរ​ថា ពាក់ព័ន្ធ​ទៅនឹង​ការចាយ​ដើមទុន​បើកហាង​គុយទាវ ឡាំ​ឌួ​យ របស់ ឌុ​ច លីដា កាលពីពេល​កន្លងទៅនេះ ត្រូវបាន​សាយភាយ​ព័ត៌មាន​មក​ថា មិនមែនជា​ទុន​របស់ ឌុ​ច លីដា តែម្នាក់ឯង​ផ្តាច់មុខ​នោះទេ ប៉ុន្តែ​វា​ជាការ​ចូលរួម​ជ្រោមជ្រែង​ពី​សំណាក់​ស្ត្រី​ជា​ថៅកែ​ហាង​លក់​ពេជ្រ​ម្នាក់​នៅ​ម្តុំ​ផ្សារ​ធំថ្មី រាជធានី​ភ្នំពេញ ដ្បិត​ថៅកែ​ពេជ្រ​ម្នាក់​នោះ​ពេញ​ចិត្តនឹង​រូប​សម្រស់​របស់​នាង​ជាខ្លាំង ហើយក៏​មានការ​ហួងហែង​ទៅលើ​ការងារ​សិល្បៈ​របស់​នាង​ដែរ ដោយ​ការហាម​មិនឱ្យ​នាង​ថត​ឈុត​ឱបថើប បែប​ស្រើបស្រាល​ជាមួយ​តួ​ប្រុស​ជាដើម៕

គាំទ្រកាសែតឡារ៉ែនពាណិជ្ជ សូមជូយចុច Like & Share Facebook Page ខាងក្រោម

គាំទ្រទស្សនាវដ្ដីឡារ៉ែន សូមជូយចុច Like & Share Facebook Page ខាងក្រោម