អ្នកគ្រប់គ្រងផលិតកម្មសាស្តា ភ័យស្លន់ស្លោក្រោយផ្ទុះការរិះគន់ពេញបណ្ដាញសង្គមហ្វេសប៊ុក

0

នៅពេលថ្មីៗនេះគេមើលឃើញថា ចម្រៀងជាច្រើនបទនៅក្នុងផលិតកម្មសាស្ដា បានបង្ហាញពីភាពរួមស្នេហានៅលើគ្រែ ដែលសម្ដែងផ្ទាល់ៗដោយគ្មានការកាត់តឡើយ និងជាពិសេសគេបានមើលឃើញថែមទៀត ពីឈុតឆាកសិចស៊ីដែលនៅក្នុងបទចម្រៀងចុងក្រោយទើបតែបញ្ចេញ គឺបទ «ស្រីមុខលុយ» ដែលមានបញ្ចូលឈុតក្ដៅសាច់មិនតិចជាង 10 ឈុតនោះឡើយ។

ក៏ប៉ុន្ដែ ក្រោយត្រូវព្រនង់រិះគន់របស់ទស្សនិកជន​ពេញ​បណ្តាញសង្គមហ្វេសប៊ុកយ៉ាងគគ្រឹកគគ្រេងមក ខាង​អ្នកគ្រប់គ្រង​ផលិតកម្មសាស្តា ហាក់បីដូចជាភ័យស្លន់ស្លោ ដោយបានចេញមុខ និងធ្វើការផ្ដល់បទសម្ភាសភ្លាមៗជាមួយអ្នកសារព័ត៌មាន ដើម្បីធ្វើការសុំទោសចំពោះរូបភាពឆ្គាំឆ្គង ប៉ះពាល់ដល់សតិអារម្មណ៍អ្នកតាមដាន​លើបណ្តាញសង្គមហ្វេសប៊ុកតាមរយៈ MV ដែលខ្លួនបានបង្កើតឡើងនោះ​។​

តាមរយៈការបកស្រាយប្រាប់អ្នកសារព័ត៌មាន គេសង្កេតឃើញលោក អ៊ុក រតនា ជាអ្នកគ្រប់គ្រងក្នុងផលិតកម្ម សាស្ដា បានស្ទុះស្ទាប្រាប់អ្នកសារព័ត៌មានភ្លាមៗថា ​«សូ​ម​គោ​រ​ព​អ​រគុ​ណ​ដ​ល់​ប​ង​ប្អូន​ពុ​ក​ម៉ែ​ដែ​ល​បា​ន​តា​ម​ដាន​ទ​ស្ស​នា​ក្នុ​ង​ស​ង្គ​ម​ហ្វេ​ស​ប៊ុ​ក​ ​យូ​​ធូ​ប​ ​ព្រម​ទាំ​ងបាន​គាំ​ទ្រ​ប​ទ​ច​ម្រៀ​ង ​និង​កា​រ​ខំ​មិ​ន ​រិះ​​គ​ន់​ដើ​ម្បី​កែប្រែ​ក្នុ​ង​កា​រ​ផ​លិ​ត​(​ ​M​V​ ​)​ដែ​ល​មា​ន​ឈុ​ត​ឆា​ក​​សិច​ស៊ី​។​ ​​រូ​ប​ខ្ញុំ​បា​ទ​គ្មា​ន​ចេ​ត​នា​ធ្វើ​ឱ្យ​ប៉ះ​ពា​ល់​ដ​ល់​​សិ​ល្បៈ​វ​ប្ប​ធ​ម៌ប្រ​​ពៃ​​ណី​​ដ៏​ផូ​រ​ផ​ង់របស់ជាតិ​ខ្មែ​រ​យើ​ង​​ទេ​។ អ្នកគ្រប់គ្រងខាងលើបានបន្តថា «ខ្ញុំ​បា​ទ ​និ​ង​ក្រុ​ម​កា​រ​ងារ​រ​ប​ស់​​ផ​លិ​ត​ក​ម្ម​ ​សាស្តា​ ​ទាំ​ង​អ​ស់​នឹ​ង​ធ្វើ​កា​រ​កែ​ប្រែ​រូ​បភា​ព​ឆ្គាំ​ឆ្គ​ង​ណា​ដែ​ល​ធ្វើ​ឱ្យ​ប៉ះ​ពា​ល់​ដ​ល់​សិ​ល្បៈ​វ​ប្ប​ធ​ម៌​ប្រ​ពៃ​ណី​​ដ៏​ល្អផូ​រ​ផ​ង់របស់ជា​តិ​ខ្មែរ​យើ​ង​នោះ​​ចេ​ញ។​ ​ដូ​​ច្នោះសូ​ម​​ប​ងប្អូ​ន​ពុ​ក​ម៉ែ​មេ​ត្តា​អ​នុ​គ្រោះ​» ។

គួរបញ្ជាក់ផងដែរថា ការដែលប្រញាប់ប្រញាល់ផ្ដល់បទសម្ភាស និងធ្វើការសុំទោសទៅកាន់មហាជនដោយមិនបង្អង់យូរនេះ ត្រូវបានមហាជនសម្លឹងឃើញថា អ្នកគ្រប់គ្រងរូបនេះប្រហែលជាភ័យខ្លាំងពេក ព្រោះខ្លាចត្រូវព្រនង់ទាំងរបស់អ្នកលេងបណ្ដាញសង្គមហ្វេសប៊ុក និងរបស់ក្រសួងវប្បធម៌ និងវិចិត្រសិល្បៈ ចំពោះការបង្ហាញភាពសិចស៊ីជាច្រើននៅក្នុងបទចម្រៀងរបស់ផលិតកម្មខ្លួន៕

ចែករំលែក