ពិតជាភ្ញាក់ផ្អើលខ្លាំងណាស់ ស្របពេលដែលលោក ខេមរៈ សិរីមន្ត និងតារាចម្រៀងថៃល្បីឈ្មោះលោក ទិក ឈីរ៉ូ ធ្លាប់ប្រកាសថា ពួកគេទាំងពីរ គឺកំពុងធ្វើរឿងមួយជាមួយគ្នាដើម្បីសាងប្រវត្តិសាស្ត្ររវាងប្រទេសទាំងពីរ ដែលខណៈពេលនេះ រឿងនេះបានក្លាយជាការពិតហើយ គឺតារាចម្រៀងខ្មែរ និងតារាចម្រៀងថៃ បានរួមគ្នាបង្កើតជាបទចម្រៀងមានភាសាខ្មែរផង និងថៃផងរួមគ្នា ដែលបទនេះមានចំណងជើងថា «Sad Man»។
គួររំឭកបន្ដិចដែរថា លោក ទិក ឈីរ៉ូ បានប្រាប់អ្នកសារព័ត៌មានថៃថា អាល់ប៊ុមចម្រៀងថ្មីដែលមានចំណងជើងថា « Sad Man » នេះ គឺជាការបង្ហាញស្នាដៃច្រៀងរួមគ្នារវាងតារាចម្រៀងកម្ពុជា លោក ខេមរៈ សិរីមន្ដ និងរូបលោកផ្ទាល់។ លោកបន្ដទៀតថា ដើម្បីសម្ព័ន្ធភាព និងមិត្តភាពរវាងថៃ និងកម្ពុជា លោក និងមិត្តសម្លាញ់កម្ពុជា ( លោក ខេមរៈ សិរីមន្ដ) គ្រោងបង្ហាញអាល់ប៊ុមចម្រៀង និងការប្រគំតន្ត្រីរួមគ្នាយ៉ាងធំមួយនៅក្នុងប្រទេសថៃ និងកម្ពុជា ហើយបទចម្រៀង « Sad Man » ក៏មានការបកស្រាយជា 2ភាសាដែលមានអត្ថន័យដូចគ្នាដែរ។ ឯលោក ខេមរៈ សិរីមន្ដ វិញ ក៏បានអះអាងដែរថា លោក និងតារាចម្រៀងថៃរូបនេះកំពុងត្រៀមបង្ហាញពីអ្វីដែលប្លែក ហើយថ្មីសម្រាប់បងប្អូននៅកម្ពុជា និងជនជាតិថៃ ដែលជាការសាងប្រវត្តិសាស្ត្រថ្មីនៅក្នុងពិភពសិល្បៈ និងរំពឹងទុកថា បងប្អូនទាំងអស់គ្នានឹងគាំទ្រ និងផ្ដល់កម្លាំងចិត្តដល់រូបលោក។
ហើយកាលពីប៉ុន្មាននាទីមុននេះ បទចម្រៀងរបស់តារាទាំងពីរ បានចេញជា MV ផ្លូវការហើយ ដោយពួកគេទាំងពីរបានសម្តែងធ្វើជាវីរបុរស (Hero) នៅក្នុង MV នេះ។ ឃើញបែបនេះហើយ មហាជនជាច្រើនមានអារម្មណ៍សប្បាយរីករាយដែលបានឃើញតារាទាំងពីរច្រៀងរួមគ្នា ហើយពិតជាអស្ចារ្យណាស់ដែល Idol ទាំងពីររួមគ្នាបង្កើតទំនាក់ទំនងថ្មី «តន្រី្ដជាសន្ដិភាពផ្លូវចិត្តដ៏ល្អ»។ ដូច្នេះកុំរង់ចាំយូរ សូមទស្សនាវីដេអូខាងក្រោមនេះ៖
