នេះគឺជាបេក្ខជនមកពីខេត្ត ត្បូងឃ្មុំ មានឈ្មោះថា រ៉េត រ៉ែន មានវ័យ 14 ឆ្នាំ ដែលបានបង្ហាញវត្តមានដ៏ភ្ញាក់ផ្អើលបំផុតនៅក្នុងកម្មវិធីប្រឡងចម្រៀងកុមារលំដាប់ថ្នាក់ពិភពលោក The Voice Kids Cambodia នារដូវកាលទី2 ក្នុងវគ្គ The Blind Audition សប្តាហ៍ដំបូង។ ការបោកបញ្ឆោតតាមរយៈសំឡេងពិតជាធ្វើបានសម្រេចមែន អូហូ! គណៈកម្មការទាំង3នាក់ខំប្រឹងស្ដាប់ឡើងស្លុងអារម្មណ៍ជាមួយនឹងសំឡេងដ៏ពីរោះក្រអួនក្រអៅ លុះពេលគោះប៊ូតុងបែរមក ស្រាប់តែជាកុមារាសោះ ហាសហា…។
ស្មានមិនដល់សោះ បេក្ខជនរូបនេះបានជ្រើសរើសចម្រៀងមួយបទដែលមានចំណងជើងថា «នឹកភូមិភ្នំធំ» ដែលជាសំនៀងដើមរបស់លោកយាយ រស់ សិរីសុទ្ធា តែប្អូនប្រុសរូបនេះយកមកបកស្រាយបានយ៉ាងល្អ រហូតធ្វើឱ្យគណៈកម្មការទាំង 3រូប ដណ្តើមយកប្អូនគ្រប់ៗគ្នា។ លើសពីនេះប្អូនក៏បានបង្ហាញសមត្ថភាពច្រៀងបទចម្រៀងបុ្រសមួយឃ្លាទៀតដែលមានចំណងជើងថា «បុប្ជាឈៀងម៉ៃ» ដែលកាន់តែធ្វើឱ្យមហាជន និងគណៈកម្មការទាំងអស់ពោលសរសើរពីសមត្ថភាពដ៏កម្រនេះមិនដាច់ពីមាត់។
គួរបញ្ជាក់ដែរថា លុះវគ្គសម្រេចចិត្តបានមកដល់ ប្អូនប្រុស រ៉េត រ៉ែន ក៏បានជ្រើសរើសយក កញ្ញា ឱក សុគន្ធកញ្ញា ដើម្បីធ្វើជាគ្រូបង្វឹករបស់ខ្លួន។ ឥលូវដើម្បីកុំឱ្យរង់ចាំយូរ សូមទស្សនាវីដេអូខាងក្រោមនេះដូចតទៅ៖
