សូមចូលរួមទស្សនា និងគាំទ្រភាយន្ដកូនខ្មែរ « ផ្នូរគ្មានឈ្មោះ » ដើម្បីឈ្នះពានរង្វាន់អូស្ការ

September 15, 2018​ ម៉ោង 10:17 am
0

ផលិតករអ្នកដឹកនាំរឿងល្បីឈ្មោះ លោក ប៉ាន់ រិទ្ធី បានផលិតភាពយន្តឯកសារក្រោយគេបំផុតក្នុងអំឡុងឆ្នាំ 2018 មានចំណងជើងថា « ផ្នូរគ្មានឈ្មោះ » ដែលជាភាពយន្ដត្រូវបានគណៈកម្មការជ្រើសរើសប្រកួតភាពយន្ដក្នុងមហោស្រពពិភពលោក ពានរង្វាន់អូស្ការ( Oscar) បោះឆ្នោតយកទៅដាក់ប្រកួតពានរង្វាន់អូស្ការ 2019 ។

គួរបញ្ជាក់ផងដែរថា ភាពយន្ដដែលផលិតដោយកូនខ្មែរ « ផ្នូរគ្មានឈ្មោះ» ជាភាពយន្ដឯកសារដំណាលឱ្យដឹងពីដំណើរស្វែងរកសន្តិភាព។​ នៅពេលក្មេងប្រុសអាយុ 13ឆ្នាំម្នាក់ ដែលបាន​បាត់បង់​គ្រួសារ​ជាទីស្រលាញ់របស់គាត់ ក្នុងរបបខ្មែរក្រហម បានចាប់ផ្ដើមដំណើរស្វែងរកផ្នូរ របស់សមាជិកគ្រួសារទាំងនោះតាមរយៈរូបសូនអំពីដីឥដ្ឋ ឬតាមការហៅព្រលឹង តើគាត់នឹងរក ឃើញអ្វីខ្លះ? នៅពីក្រោយរឿងទាំងអស់នេះ តើគាត់ចង់បានអ្វីពីការស្វែងរកនេះ? ដើមឈើអាគម? ទីឋានដែលយើងមិនដែលស្គាល់? បុគ្គលដែលមិនហ៊ាននិយាយប្រាប់នូវការពិត? រាត្រីកាលជិត ឈានចូលមកដល់ តើគាត់អាចជួបបងប្អូនប្រុសស្រីរបស់គាត់បានដោយរបៀបណា? ជាខ្សែ ភាពយន្តឯកសារដែលបង្ហាញអំពីរឿងរ៉ាវពិតដែលកើតក្នុងប្រទេសជាតិមួយ សម្រាប់ពិភពលោកទាំងមូលផងដែរ។

យ៉ាងណាមិញ ភាពយន្ដនេះបានដាក់បញ្ចាំងនៅរោងភាពយន្ដ Major Cineplex ទាំង 4 សាខា ដើម្បីឱ្យបងប្អូនប្រិយមិត្តអ្នកគាំទ្រជាជនជាតិខ្មែរបានទស្សនា ក្នុងតម្លៃសំបុត្រពិសេស ព្រមទាំងទទួលបានភេសជ្ជៈដោយឥតគិតថ្លៃផងដែរ។ សូមជម្រាបថា សម្ទុះគាំទ្រនៃការទស្សនាកាន់តែច្រើន ក្ដីសង្ឃឹមនៃការជាប់ពានរង្វាន់អូស្ការកាន់តែខ្ពស់ផងដែរ។ ដូច្នោះហើយមានតែអ្នកគាំទ្រមកទស្សនាភាពយន្ដល្អឯកមួយនេះ ទើបជាកម្លាំងបណ្ដាលចិត្តឱ្យកូនខ្មែរបោះជំហ៊ានទៅមុខ ទៅកាន់ឆាកអន្ដរជាតិជាបន្ដបន្ទាប់។ សូមអំពាវនាវឱ្យប្រិយមិត្តចូលរួមទស្សនាឱ្យបានច្រើនកុះករ៕

 

ចែករំលែក

គាំទ្រកាសែតឡារ៉ែនពាណិជ្ជ សូមជូយចុច Like & Share Facebook Page ខាងក្រោម

គាំទ្រទស្សនាវដ្ដីឡារ៉ែន សូមជូយចុច Like & Share Facebook Page ខាងក្រោម