កញ្ញា នីខូលីន ក្លាយជាម្ចាស់មកុដបវរកញ្ញា Miss Thailand World 2018

September 16, 2018​ ម៉ោង 2:28 pm

តាមរយៈសារព័ត៌មាន Teenee ដែលចេញផ្សាយមុននេះបន្ដិច បានឱ្យដឹងថា ការប្រកាសលិទ្ធផលសម្រាប់កម្មវិធីប្រកួតបវរកញ្ញា Miss Thailand World 2018 បានធ្វើឱ្យបេក្ខភាពជាច្រើននាក់ភ្ញាក់ផ្អើល និងរន្ធត់យ៉ាងខ្លាំង ខណៈដែលពិធីករបានប្រកាសថា កញ្ញា នីខូលីន ភិឆាផា មានលេខសម្គាល់ទី 7 បានក្លាយជាម្ចាស់មកុដ Miss Thailand World ប្រចាំ 2018 នេះ។

នាងបានប្រាប់សារព័ត៌មានថៃថា « ការដែលយើងមានសមត្ថភាពជួយអ្នកដទៃ ទាញយកនូវភាពស្រស់បំព្រងដាក់ក្នុងជីវិត ក្នុងខ្លួនរបស់ពួកគេ បានន័យថា យើងទទួលបានភាពស្រស់ស្អាតដែលចេញពីក្នុងខ្លួនយើងវិញផងដែរ មានទាំងគុណតម្លៃ និង ការអរគុណ។ នេះហើយដែលធ្វើឱ្យនាងខ្ញុំមានភាពស្រស់ស្អាតនៅក្នុងឆ្នាំនេះ »។ គួរបញ្ជាក់ផងដែរថា បវរកញ្ញារូបនេះ ទទួលបានការពាក់មកុដ និងប្រាក់រង្វាន់សរុបដល់ទៅ 7​,593,000 បាតឯណោះ និងមានដំណើរកម្សាន្ដទៅកាន់ចក្រភពអង់គ្លេសផងដែរ ។

ចង់ដឹងរូបសម្រស់នាងស្រស់ស្អាតដល់កម្រិតណានោះ សូមទស្សនារូបភាពខាងក្រោមនេះ ៖