រីករាយខួបអនុស្សាវរីយ៍ទី15 នៃការដាក់បញ្ចូលរបាំព្រះរាជទ្រព្យជាសម្បត្តិបេតិកភណ្ឌអរូបីនៃមនុស្សជាតិរបស់អង្គការយូណេស្កូ

November 7, 2018​ ម៉ោង 9:42 am

ពិតជាមានក្ដីសោមនស្សនិងអបអរសាទរខួប15ឆ្នាំ នៃអរូបីនៃមនុស្សជាតិ របស់អង្គការយូណេស្កូ នៅថ្ងៃទី 7 ខែវិច្ឆិកា ឆ្នាំ2003 – 2018 ។

របាំជាសិល្បៈទីប្រាំក្នុងទម្រង់សិល្បៈទាំងប្រាំពីររបស់ខ្មែរ នៅក្នុងនោះរាជរដ្ឋាភិបាលតែងតែគាំទ្រ និងបានផ្តល់អាទិភាពខ្ពស់លើការងារ សិល្បៈវប្បធម៌ ដោយចាត់ទុកថា វប្បធម៌គឺជាព្រលឹងជាតិ និងជាអត្តសញ្ញាណខ្មែរ ដែលមានតម្លៃមហាសាលពុំអាចកាត់ថ្លៃបាន ព្រមទាំង ជាមូលដ្ឋានគ្រឹះក្នុងការផ្សះផ្សារសង្គម ធ្វើឱ្យប្រជាជនខ្មែរចេះរួមរស់ ជាមួយគ្នាប្រកបដោយភាពសុខដុមរមនាគ្មានការរើសអើង។ តាមរយៈនេះវិស័យវប្បធម៌ជាតិបានរីកសាយទៅគ្រប់តំបន់ និងរីកចម្រើនឡើងជាលំដាប់។

ក្នុងនាមពលរដ្ឋខ្មែរទាំងអស់ ក៏ចូលរួមនិងបានផ្តោតការយកចិត្តទុកដាក់ ដោយមិនត្រឹមតែលើការថែរក្សា ការពារនិង អភិរក្សឲ្យបានគង់វង្សប៉ុណ្ណោះទេ ប៉ុន្តែថែមទាំងត្រូវរួមគ្នាបន្តលើកតម្កើង និងអភិវឌ្ឍសម្បត្តិវប្បធម៌ទាំងអស់ឱ្យកាន់តែមានជីវិតរស់រវើកថែមទៀត។ សូមចូលរួមថែរក្សាសម្បត្តិវប្បធម៌ជាកេរ្ដិ៍តំណែលដូនតាខ្មែរទាំងអស់គ្នា !! ៕