ក្នុងពិធីឡើងគេហដ្ឋានថ្មី និងពិធីខួបអាពាហ៍ពិពាហ៍គម្រប់6ឆ្នាំ របស់ស្ថាបនិក «គ្រួសារតារាកម្ពុជា» គេឃើញតារាសិល្បៈចាស់ថ្មីល្បីឈ្មោះ និងភ្ញៀវកិត្តិយសប្រមាណជាង400នាក់ រំលេចឈុតក្រហមយ៉ាងស្រស់ស្អាត ដែលធ្វើឱ្យពិធីទាំងមូលប្រៀបដូចជាជំនួបឈុតក្រហមដ៍អស្ចារ្យមួយ។ នៅក្នុងថ្ងៃនោះ តារាសិល្បៈកុះករ ក៏បានបង្អួតសំឡេង ស្នាមញញឹម និងសកម្មភាពរាំរែក បង្កើតជាអនុស្សាវរីយ៍ដ៏កម្រផង។
ពិធីដែលបានធ្វើឡើងនៅថ្ងៃទី14 ខែមករា នោះ គេចាត់ទុកថាជាជំនួបសិល្បករទ្រង់ទ្រាយធំដែលគ្រងដោយឈុតក្រហម មិនខុសពីព្រឹត្តិការណ៍ធំមួយ ខណៈដែលតារា និងភ្ញៀវកិត្តិយស ក្រៅពីចំណាយពេលចូលរួមបង្ហាញខ្លួនធ្វើអោយពិធីទាំងផ្អើកកក្រើក ក៏បានរំលេចឈុតក្រហមរាងខ្លួន ដើម្បីទាញយកចំណាប់អារម្មណ៍។ មិនថាតារាចាស់ថ្មី សូម្បីតែភ្ញៀវកិត្តិយស នៅពេលប៉ះគ្នាជាទ្រង់ទ្រាយធំហើយរំលេចឈុតក្រហមព្រមៗគ្នាបែបនេះ គឺសុទ្ធតែមើលទៅស្រស់ស្អាត និងទាក់ភ្នែក។
លោក ផាត់ តារារដ្ឋ ស្ថាបនិកគ្រួសារតារាកម្ពុជា បានអារម្មណ៍សប្បាយរីករាយយ៉ាងខ្លាំង ដែលតារាសិល្បៈ និងភ្ញៀវកិត្តិយសកុះករ រំលេចដោយឈុតក្រហមព្រមៗគ្នាយ៉ាងកម្រមិនខុសពីជំនួបក្រហមប្រចាំឆ្នាំ។ លោកថាថ្លែងជំនួបសិល្បករ និងភ្ញៀវកិត្តិយសក្នុងថ្ងៃនោះ បានបង្កើតនូវឈុតអនុស្សាវរីយ៍ដ៏កម្រ ដើម្បីបើកទំព័រទំដើមឆ្នាំ2019 ដែលគ្រាន់តែឃើញរូបភាពក៏មិនខុសពីព្រឹត្តិការណ៍ធំមួយ៕
