រស់ឡើងវិញម្ដងទៀត !! ការសម្ដែងល្ខោនបុរាណខ្មែរល្ខោនអាប៉េ ក្នុងគោលបំណងអភិរក្សសិល្បៈបុរាណខ្មែរ

ជាការពិតណាស់ មាន​មនុស្ស​ភាគតិច​ដែល​ស្គាល់​ល្ខោនអាប៉េនាពេលបច្ចុប្បន្ននេះ ព្រោះ​ថា ទម្រង់​សិល្បៈ​បុរាណ​មួយ​ប្រភេទ​នេះ ស្ទើរ​បាត់បង់​ទៅ​ហើយ ពោល​គឺ​នៅ​ត្រឹម​សល់​តែ​ឈ្មោះ​ប៉ុណ្ណោះ​។ សិល្បករ​បុរាណ​ខ្លះ ចាត់ទុកថា ល្ខោនអាប៉េ គឺជា​សែស្រឡាយ​នៃ​ល្ខោន​យី​កេ ដែល​ឈុត​ឆាក​សម្ដែង​ស្ដែង​នូវ​ភាព​ក្រ​មិច​ប្រមើមរបស់​តួអង្គ ឬ​យើង​អាច​ហៅថា តួ​ត្លុក​។ មកដល់​ពេល​ប​ច្ចុច​ប្បន្ន​នេះ​ក្ដី ក៏​គេ​ពុំ​សូវ​ឃើញ​មាន​ការសម្ដែង​ទម្រង់​សិល្បៈ​មួយ​ប្រភេទ​នេះដែរ​។

តែដោយឡែក សភានិស្សិតនៃសាកលវិទ្យាល័យបញ្ញាសាស្ត្រកម្ពុជា បានជីកគាស់កកាយឡើងវិញនូវការសម្តែងនូវល្ខោនអាប៉េ ជាល្ខោនបុរាណរបស់ខ្មែរ ដែលហាប់តែនឹងរលត់ទៅហើយ បានបង្កើតឡើងនូវកម្មវិធីមួយដែលមានឈ្មោះថា “ ទាំងអស់គ្នាដើម្បីសិល្បៈខ្មែរ ល្ខោនអាប៉េ ” នៅក្នុងរឿង អាសព្វជាតិ និងនាងពៅ ដែលកម្មវិធីនេះធ្វើឡើងក្នុងគោលបំណងអភិរក្ស សិល្បៈបុរាណខ្មែរ ដើម្បីឱ្យកូនខ្មែរបានស្គាល់ និងរួបរួមជួយគ្នាដើម្បីការរស់រានឡើងវិញនៃល្ខោនអាប៉េ។

តោះមកចូលរួមកម្មវិធីល្ខោនអាប៉េនេះទាំងអស់គ្នា ដើម្បីជួយផ្សព្វផ្សាយ និងអភិរក្សសិល្បៈបុណខ្មែរ និងដើម្បីឲ្យល្ខោនមួយនេះរស់ឡើងវិញ។ អញ្ជើញចូលរួមទាំងអស់គ្នាដើម្បីសិល្បៈបុរាណខ្មែរ ល្ខោនអាប៉េ រឿង «អាសព្វជាតិ និងនាងពៅ »។ កម្មវិធីនេះនឹងប្រព្រឹត្តឡើងនៅថ្ងៃសៅរ៍ ទី16 ខែកុម្ភៈ ឆ្នាំ2019 នៅសាលស្រីឌីម ជាន់ទី4 សាកលវិទ្យាល័យបញ្ញាសាស្រ្តកម្ពុជា។ កុំភ្លេចចូលរួមគាំទ្រទាំងអស់គ្នាណា… ជួបគ្នាឆាប់ៗថ្ងៃទី16 កុម្ភះនេះ៕

 

Advertisement