ទីបំផុតព្រឹកមិញនេះ នី រតនា និងភរិយាចូលរោងការហើយ

ថ្ងៃពិសេសរបស់តារាចម្រៀងប្រចាំផលិតកម្មហង្សមាស លោកនី រតនា និងភរិយា បានដល់តាមពេលាកំណត់ហើយ ដែលនៅលើបណ្ដាញសង្គមលោកបានបង្ហោះរូបភាពជាច្រើនសន្លឹក និងមានឈុតក្រហមចាំង កំពុងសំពះកុងម៉ាថែមទៀតផង រហូតធ្វើឱ្យអ្នកគាំទ្រជាមួយច្រើននាក់ភ្ញាក់ផ្អើល ផ្ញើសារជូនពរលោក និងចូលរួមអបអរចំពោះដំណើរជីវិតគូរបស់លោកផងដែរ។

មិនត្រឹមតែស្លៀកឈុតបុរាណខ្មែរស្រស់ស្អាតទាំងកូនក្រមុំ និងកូនកំលោះនោះទេ សូម្បីតែឈុតបែបប្រពៃណីជនជាតិចិនក៏ស្រស់ស្អាត និងស្រស់សង្ហាទៀតផង។ គ្រាន់តែបង្ហោះរូបភាពនិងវីដេអូភ្លាម គេមើលឃើញថា អ្នកគាំទ្រជាច្រើន ក៏បាននាំគ្នាស៊ែរ ក៏ដូចជាធ្វើការខំមិន នៅលើបណ្តាញសង្គមរបស់លោកព្រោងព្រាត ខណៈពិធីមង្គលរបស់តារារូបនេះកំពុងតែប្រព្រឹត្តឡើងបណ្តើរៗហើយ៕