ពេជ្រ​ ​សូលី​កា​ ​បង្ហាញមុខ​ជាតា​រា​ហង្ស​មាស​បានសម្រេច​ ​

June 10, 2019​ ម៉ោង 11:07 am

​បន្ទាប់ពី​លេច​តម្រុយ​សម្ដែងរឿង​ភាគ​ ​”​អាពាហ៍​ពិពាហ៍​ក្លែងក្លាយ​”​ ​ឱ្យ​ស្ថានីយ​ទូរទស្សន៍​ហង្ស​មាស​ហើយ​នោះ​ ​ខណៈ​តារាចម្រៀង​ ​និង​សម្ដែង​ ​ពេជ្រ​ ​សូលី​កា​ ​បាន​ប្រកាស​ខ្លួន​ជា​ផ្លូវការ​ថា​ ​ជាតា​រា​ចម្រៀង​ថ្មី​ប្រចាំ​ផលិតកម្ម​រស្មី​ហង្ស​មាស​ ​កាលពី​ថ្ងៃទី​ ​8​ ​ខែមិថុនា​ ​ឆ្នាំ​ ​2019​ ​។​

បន្ទាប់ពី​ទទួល​ដំណឹង​នេះ​ហើយ​ ​បាន​ធ្វើឲ្យ​ប្រិយមិត្ត​ជាច្រើន​ដែល​គាំទ្រ​ ​សូលី​កា​ ​និយាយ​ថា​ ​“​យ៉េៗៗៗ​!​ ​ទីបំផុត​ការ​រង​ចាំ​ខ្ញុំ​ជា​យូរ​បាន​មកដល់​ ​បាន​ចេញ​ជារូបរាង​ហើយ​”​ ​អ្នកខ្លះ​ទៀត​ពិតជា​ចង់​ឃើញ​គាត់​ច្រៀង​ជាមួយ​ ​នី​កូ​ ​ណាស់​ ​ដោយ​បញ្ជាក់​ប្រាប់​ថា​ ​“​សង្ឃឹមថា​គា​ត់់​នឹង​បាន​ចេញ​ចម្រៀង​ថ្មី​ជាមួយ​និង​បង​នី​កូ​ក្នុង​ពេល​ឆាប់​ៗ​នេះ​ ​love​ ​you​ ​my​ ​idol​”​។​ ​ក្នុង​ថ្ងៃ​ដដែល​នេះ​ ​សូលី​កា​ ​ពិតជា​មិនបាន​ធ្វើឱ្យអ្នកគាំទ្រ​ខកចិត្ត​ឡើយ​ ​ដោយ​បាន​បញ្ចេញ​ចម្រៀង១បទ​ ​ក្តៅ​ៗ​តែម្តង​ ​ក្រោម​ចំណងជើង​ថា​ ​“​លេងសើច​ផ្លូវ​អារម្មណ៍​”​ ​ដែល​ជា​ការ​ ​និពន្ធ​ទំនុកច្រៀង​ ​និង​ ​Melody​ ​ដោយ​ ​លោក​ ​អ៊ី​នុ​,​ ​និពន្ធ​បទភ្លេង​ ​និង​ ​សម្រួល​តន្រ្តី​ ​ដោយ​ ​ចក់​

​ក្រោយពី​ស្តាប់​បទ​នេះ​ចប់​ធ្វើឱ្យអ្នកគាំទ្រ​សរសើរ​មិន​ដាច់​ពី​មាត់​ថា​ ​“​នៅតែ​ចូលចិត្ត​សំលេង​របស់​សូលី​កា​ ​អត្ថន័យ​បទចំរៀង​ ​រឹតតែ​មានន័យ​ទៀត​ ​ធ្វើអោយ​ចំរៀង​មួយ​បទ​នេះ​រឹតតែ​ពីរោះ​”​។​ ​អ្នកខ្លះ​ទៀត​ពេញចិត្ត​អត្ថន័យ​មួយ​ឃ្លា​ក្នុង​បទចម្រៀង​នេះ​ ​ត្រង់កន្លែង​ ​“​ចង់​ស្អប់​មនុស្ស​ដែល​ខ្ញុំ​ស្រលាញ់​ ​ចង់​ខឹង​មនុស្ស​ដែល​ខ្ញុំ​តែង​នឹក​ ​តែ​ខ្ញុំ​ធ្វើ​មិនបាន​ព្រោះ​ចិ​ត្ត​វង្វង់​”​។​ ​ដូចនេះ​ដើម្បី​ជ្រាប​ ​កាន់តែ​ច្បាស់​ ​តោះ​ទៅ​ស្តាប់​ទាំងអស់គ្នា​៕​