ភាពយន្តទើបបានប្រកាសថា បានថតបញ្ចប់ និងត្រៀមដាក់បញ្ចាំងនៅលើកញ្ចក់ទូរទស្សន៍ប៉ុស្តិ៍លេខ៥នោះរួមមានរឿង”រ៉ៃប្ដូរទ្រនំ” និងរឿង”ពិសស្នេហ៍” ដោយរឿងទាំងពីរត្រូវបានផលិតក្នុងពេលប្រហាក់ប្រហែលគ្នា និងត្រូវបិទបញ្ចប់ក្នុងថ្ងៃតែមួយ។ ទាំងភាពយន្តរឿង”រ៉ៃប្ដូរទ្រនំ” និងរឿង”ពិសស្នេហ៍” សុទ្ធតែជារឿងដែលតួអង្គស្រីសម្ដែងជាតួអ្នករបាំ។ ផលិតករថៃ និយាយថា នេះជាភាពយន្តដែលក្រុមការងារ និងតួសម្ដែង ប្រកាសថាលំបាកទម្រាំតែថតចប់។ ក្នុងនោះតួអង្គឯក គឺកញ្ញា ផាន់ ផាណាត និង កញ្ញា ព្រះកាយច័ន្ទ បានទាំងសារភាពថា ម្នាក់តស៊ូថតដល់ថ្នាក់ស្រកគីឡូ និងម្នាក់ទៀតទម្រាំតែថតចប់ គឺឃើញខ្មោចលងស្រស់ៗក៏មាន។
រឿង “ពិសស្នេហ៍” ដែលកញ្ញា ព្រះកាយ ច័ន្ទ ជាតួឯកស្រីនោះ ស្រាប់តែមានរឿងនឹកស្មានមិនដល់កើតឡើងក្នុងអំឡុងពេលថត។ នាងដើរជាតួខ្មោចបែរជាត្រូវខ្មោចលងមែនទែនជាមួយតួឯកប្រុសលោក សូ ឆានី។ រឿង “ពិសស្នេហ៍” ក្រៅពីតួឯកទាំងពីររូបនោះហើយមាន តារាល្បីៗដូចជា កញ្ញា ទឹម រដ្ឋា, លោក សន ពិសិដ្ឋ, លោក ជា សំណាង, លោក ហេង ដារី, អ្នកនាង ញឹម ច័ន្ទថន, លោក បូរី ចិត្ត និង លោក ផេង សុខដែន រួមទាំងអ្នកសិល្បៈជាច្រើននាក់ផ្សេងផងដែរ។
តារាសម្តែងសិចស៊ីកញ្ញា ព្រះកាយ ច័ន្ទ បានបង្ហើបឱ្យដឹងថា ទម្រាំថតរឿងនេះបានសម្រេចគឺប្រើយ៉ាងយូរ រហូតដល់៥ខែ លើសរឿងធម្មតា ខណៈរឿងជាបុរាណលាយសម័យ។ ជាពិសេសនាងបានតួឯកស្រីជាខ្មោចស្រី ត្រូវបណ្តាសាយាមទ្រព្យសម្បត្តិរបស់ស្តេច ដោយស្វាមីជាមេព័ទ្ធ កាត់ក្បាលក្លាយខ្មោចមិនទៅណារហូត។ នាងបន្ដរៀបរាប់ហេតុការណ៍ នៅពេលយប់មួយនេះថត ជាមួយតួឯកប្រុសលោក សូ ឆានី លេងមានខ្មោចមែនទែនគឺ រូបវិឌីអូលោក សូ ឆានី ដាច់ជើងមួយកំណាត់ ហើយក៏អត់ចាប់អារម្មណ៍ទាល់ទាយយកមកពិនិត្យឱ្យច្បាស់ទើបដឹង។ ប៉ុន្តែនាងនិងលោក សូ ឆានី បា្រប់ថា ពួកគេធ្វើខ្លួនធម្មតាៗ តាំងចិត្តឱ្យអារម្មណ៍ស្ងប់ ហើយអត់ខ្លាច បន្តការងារថតទៀតទាំងយប់៕
