តាមរយៈការចេញផ្សាយរបស់សារព័ត៌មានកម្សាន្ដ Kenh14 បានចេញផ្សាយនៅរសៀលថ្ងៃទី 13 ខែមិថុនា ឆ្នាំ 2019 នេះឱ្យដឹងថា នៅពេលឆាប់ៗខាងមុខ កំពូលតារាស្រីស្អាតរបស់ប្រទេសហ្វីលីពីន ម៉ារៀន រីវេរ៉ា ( Marian Rivera ) នឹងវិលត្រឡប់មកកាន់ការងារសិល្បៈជាថ្មីម្ដងទៀត បន្ទាប់ពីនាងបានសម្រាលបានបុត្រាដ៏គួរឱ្យស្រឡាញ់អាយុ 1 ខែ ។ នាងបានបង្ហោះរូបភាពនៅលើបណ្ដាញសង្គម ហើយប្រកាសប្រាប់អ្នកគាំទ្រខ្លួនថា នាងពិតជាវិលចូលសិល្បៈវិញនៅក្នុងពេលឆាប់ៗខាងមុខ តាមរយៈការសម្ដែងរឿងភាគទូរទស្សន៍។
បើទោះបីជាទើបសម្រាលកូនហើយថ្មីៗក៏ដោយ ក៏ប៉ុន្ដែ គេបានឃើញតារាស្រីរូបនេះផ្លាស់ប្ដូររូបរាងរបស់ខ្លួនបានយ៉ាងឆាប់រហ័ស ហើយនៅតែថែរក្សាសាច់ស្បែកបានស្រស់ស្អាតដដែរ។ ប្រភពពីអ្នកគាំទ្ររបស់នាងបានអះអាងថា មិនត្រឹមតែទើបសម្រាលកូនទី ២ នេះហើយទេ សូម្បីតែពេលនាងទៅធ្វើការ នាងក៏បាននាំកូនស្រីច្បងទៅតាមខ្លួន ដើម្បីមើលថែដោយផ្ទាល់ដៃថែមទៀតផងដែរ។ តារាស្រីរូបនេះទើបតែបញ្ចប់ការថតស្ពតពាណិជ្ជកម្មឱ្យក្រុមហ៊ុនទឹកដោះគោ ដែលនេះជាការងារដំបូងនាងបានទទួល។
គួររំឭកដែរថា Marian និងស្វាមី Dingdong បានរៀបអាពាហ៍ពិពាហ៍នៅអំឡុងឆ្នាំ 2014 ។ ១ ឆ្នាំបន្ទាប់ពីរៀបការហើយ អ្នកទាំងពីរមានកូនស្រីម្នាក់ មានឈ្មោះ Ziggy ដែលមានរូបសម្រស់ស្រស់ស្អាតមិនចាញ់ម្ដាយឡើយ៕
