គ្មាននរណាម្នាក់បានជ្រាបដឹងថា លោក ថៃ នរៈសត្យា រដ្ឋលេខាធិកា ក្រសួងវប្បធម៍ និងវិចិត្រសិល្បៈ បានបញ្ចប់ចំណងស្នេហាជាមួយអ្នកនិពន្ធល្បីឈ្មោះ និងត្រូវជាម្ដាយបង្កើតរបស់ Freshie Boy លោកថៃ នរៈវិទូនោះទេ។ ស្រាប់តែ ថ្ងៃទី15 ខែមិថុនា គេឃើញលោកធ្វើពិធីសំពះផ្ទឹម អមដោយពិធីសម្ពោធវីឡា បង្ហាញមុខភរិយាស្រស់ស្អាតមួយរូប ដែលត្រូវគេស្គាល់ថាជាប្អូនជីដូនមួយបង្កើតរបស់ភរិយាដើម ដែលត្រូវជាមីងជីដូនមួយលោក ថៃ នរៈវិទូ ថាជាលោកជំទាវថ្មី ខណៈដែលគ្រាន់ចប់ពិធីក៏មានសរសើរគ្រប់ម៉ាត់ ថាភរិយារបស់លោក ក៏វ័យក្មេង ហើយស្រស់ស្អាតមិនធម្មតា។
លោក ថៃ នរៈសត្យា ប្រកាសថា នារីណាម្នាក់គឺជាភរិយាថ្មីរបស់លោកនោះទេ បើទោះជាមានការអះអាងថា លោកមានគ្រួសារថ្មីហើយ ក្រោយលែងលះជាមួយភរិយាដើម។ តាមរយៈបណ្ដាញសង្គមហ្វេសប៊ុក គេអាចស្គាល់ថា អ្នកនាង ទេព សុធីតា មានគណនីឈ្មោះ Tep Sreythea បានប្រកាសក្នុងពិធីឡើងផ្ទះថា លោកថៃ នរៈសត្យា គឺស្វាមីរបស់ខ្លួន ដោយអ្នកនាងបានទាំងប្រកាសអរគុណដល់ភ្ញៀវកិត្តិយស ដែលបានចូលរួមក្នុងពិធីសម្ពោធវីឡារបស់ខ្លួន ស្ថិតនៅ ភូមិអង្គ សង្កាត់ចោមចៅ ខណ្ឌពោធិសែនជ័យ រាជធានីភ្នំពេញ និងស្វាមី ដែលអ្នកនាងចង់សំដៅដល់ លោក ថៃ នរៈសត្យា។ ក្នុងពិធីឡើងវីឡា អមដោយពិធីសំពះផ្ទឹមប្រកាសអ្នកនាង ទេព សុធីតា ជាភរិយាផ្លូវការនោះ ក៍មានទាំងតារាល្បីៗ ដូចជានាយក្រឹម ចូលរួមច្រៀងរាំផង។
ម្នាក់ៗសរសើរថា លោក ថៃ នរៈសត្យា ពិតជាមានសំណាងមែនដែលបានភរិយាក្រោយវ័យក្មេង ហើយស្រស់ស្អាតផូរផង់។ យ៉ាងណាមិញ មានការទម្លាយថា លោក និងភរិយាក្រោយដែលត្រូវគេស្គាល់ថា ជាប្អូនជីដូនមួយភរិយាដើមរូបនេះ រួមរស់ជាមួយគ្នាច្រើនឆ្នាំមកហើយ បន្ទាប់ពីម៉េម៉ាយ និងពោះម៉ាយរៀងខ្លួន ដោយគ្រាន់តែកន្លងមកមិនការប្រកាសជាសាធារណៈពីចំណងស្នេហ៍។ មកទល់ពេលនេះ អ្នកទាំងពីរមិនទាន់មានកូនចៅជាចំណងស្នេហ៍នៅឡើយទេ ប៉ុន្តែជីវិតរស់នៅ ពិរពេញដោយសុភមង្គលគួរឱ្យសរសើរ បើទោះជាលោក និងភារិយាក្រោយ មានអាយុខុសគ្នាជិត40ឆ្នាំ។ អ្នកចូលរួមពិធីឡើងវីឡា អមដោយពិធីសំពះផ្ទឹមមិនខុសពីការរៀបការភរិយាក្រោយរបស់លោក សុទ្ធតែលាន់មាត់ថា ភរិយាក្រោយរបស់លោកស្រស់ស្អាត និងវ័យក្មេង ខណៈដែលគេដឹងថា លោក ថៃ នរៈសត្យា មានវ័យប្រមាណ70ឆ្នាំទៅហើយ នៅតែអាចរកឃើញភរិយាស្រស់ស្អាតវ័យ30ស្ដើងបាន ហើយមានសម្រស់មិនចាញ់តារា។
ភរិយាថ្មីលោក ថៃ នរៈសត្យា ពិតទទួលបានការចាប់អារម្មណ៍ខ្លាំងពីក្រសែភ្នែកមហាជនដែលបានចូលរួមក្នុងការវិធី និងអ្នកលេងបណ្ដាញសង្គមជាច្រើនបានឃើញ អ្នកនាង ធីតា ង្ហោះរូបផ្អែមល្ហែមជាច្រើនសន្លឹក អមដោយការប្រកាសថា លោក ថៃ នរៈសត្យា គឺស្វាមី ដែលកាន់តែធ្វើឱ្យមហាជនលួចច្រណែនថា លោក ថៃ នរៈសត្យា ពិតជាសំណាងណាស់ ដែលវ័យជ្រេទៅហើយ តែបានភរិយាក្រោយវ័យស្មើនឹងកូនធ្វើជាគូជីវិត៕
