យោងតាមគណនីហ្វេសប៊ុកឈ្មោះ Jenny Chamroeun បានអះអាងនៅពេលមុននេះឱ្យដឹងថា “បង បូរ វិចិត្រ ម្ចាស់បទ ប៊ិះស៊យ ដុនដាប ឃើញសភាពគាត់ រឿយៗក្បែរក្លឹបកំសាន្ដ ៥៥ ជិតអាហារដ្ឋាន យាយម្លូរ អាយ៊ែរឡានអោយគេ ពិបាកភ្នែកណាស់ធ្លាប់តែស្ដាប់ចំរៀងគាត់ពីក្មេងៗ ១០ឆ្នាំជាងមុន សង្ឃឹមថានឹងមានអ្នកឈឺឆ្អាលទៅចុះ។ សួរគាត់គ្មានលេខទូរសព្ទ័ផ្ទាល់ខ្លួនទៀតអាចជួយគាត់បាន គាត់នៅជិត ផ្ទះខ្ញុំ។ ឃើញសភាពបែបនេះ ប្អូននៅមិនសុខ មានតែបង្ហោះគាត់មិនប្រកាន់ខ្ញុំទៀត គាត់ថាជួយគាត់ផង ក្រែងបានសម្រួលជីវភាព បានខ្លះ ម្ចាស់បទប៊ិះស៊យ នៅផលិតកម្ម ( RSK ) ជួយស៊ែរផង បងប្អន”។
សូមរំឭកផងដែរថា លោក បូរ វិចិត្រ គឺជាតីតសមាជិកក្រុមចម្រៀង EV BAND នៅក្នុងផលិតកម្មស្ទឹងសង្កែ ដែមានសមាជិក ឃុំ ប៉ុណ្ណាដែត យក់ថិតរដ្ឋា ឱក សុគន្ធកញ្ញា និងសែម សង្វាត នៅអំឡុងឆ្នាំ 1999- 2001។ តារាប្រុសរូបនេះត្រូវបានគេស្គាល់យ៉ាងច្បាស់ថាជា ម្ចាស់បទល្បីៗជាច្រើនដូចជាបទ “ប៊ិះស៊យ” , “ក្បត់អូនម្តេចទៅ” និង “រាល់ថ្ងៃបងស្នេហ៏ស្រី” ជាដើម ពេលនោះគឺលោកមានកេរ្តិ៍ឈ្មោះល្បីល្បាញជាខ្លាំង។ យ៉ាងណាមិញលោកក៏បានបាត់មុខពីសិល្បៈមិនឃើញចេញបទចម្រៀងថ្មីធ្វើឱ្យមហាជនស្ទើរតែភ្លេចមុខលោកបាត់ទៅហើយ៕
