តារាចម្រៀង​ ​ម៉ា​ ​ច័ន្ទ​បញ្ញា​ ​បង្ហាញ​វីដេអូ​សកម្មភាព​ចោរ​បម្រុង​ចូល​គាស់​ផ្ទះ​របស់​លោក​ ​

August 21, 2019​ ម៉ោង 11:01 am

បើ​និយាយ​ពី​រឿង​ចោរ​ ​នៅក្នុង​ប្រទេស​កម្ពុជា​របស់​យើង​វិញ​នោះ​ ​គឺ​បាន​ធ្វើឲ្យ​ប្រជាពលរដ្ឋ​មានការ​ព្រួយបារម្ភ​ ​និង​ភ័យខ្លាច​ជា​ខ្លាំង​ ​ចំពោះ​សុវត្ថិភាព​ ​បូករួម​ជាមួយ​ទ្រព្យសម្បត្ដិ​ ​ដែល​ខិតខំ​ស្វែងរក​អស់​រយៈពេល​ជា​យូរហើយ​ ​តែ​ត្រូវ​បាន​ក្រុម​ចោរ​ទាំងនោះ​ ​លួច​យក​ត្រឹម​តែ​មួយ​ព្រ​ព្រិច​ភ្នែក​ទៅវិញ​ ​ហើយ​បើ​ទោះជា​សមត្ថកិច្ច​បាន​ខិតខំ​ធ្វើការ​ចុះ​បង្រ្កាប​ជា​រឿយ​ៗ​យ៉ាងណាក្ដី​ ​ក៏​នៅតែ​ចាប់​មិន​ចេះ​អស់នោះ​ឡើយ​។​

​ជាក់ស្ដែង​ ​ដូច​វីដេអូ​ឃ្លី​បកា​មេ​រ៉ា​សុវត្ថិភាព​មួយ​ ​ដែល​ត្រូវ​បាន​បង្ហោះ​ឡើង​ ​ក្នុងថ្ងៃនេះ​ទី២០​ ​ខែសីហា​ ​ឆ្នាំ២០១៩​ ​តាមរយៈ​គេហទំព័រ​ ​ហ្វេ​សប៊ុ​ក​ ​តារាចម្រៀង​ ​Original​ ​Song​ ​នឹង​ត្រូវជា​ម្ចាស់​បទ​ ​“​ម្ចាស់​គ្រង​សុ​បិន​ស្នេហ៏​”​ ​នោះ​គឺ​លោក​ ​ម៉ា​ ​ច័ន្ទ​បញ្ញា​ ​ដោយ​រូបលោក​បាន​បង្ហាញ​អំពើ​សកម្មភាព​ចោរ​មាន​គ្នា​ចំនួន​ ​២នាក់​ ​បាន​ធ្វើសកម្មភាព​បម្រុង​ចូល​គាស់​ផ្ទះ​របស់​លោក​ ​តែ​ដោយសារតែ​ឃើញ​ផ្ទះ​របស់​លោក​ ​មាន​កាមេរ៉ា​សុវត្ថិភាព​ច្រើនពេក​ ​ទើប​ចោរ​ទាំងនោះ​ប្ដូរ​ទៅ​គាស់​ផ្ទះ​ក្បែរ​នោះ​ទៅវិញ​។​

​ក្នុង​នោះ​ដែរ​ ​លោក​ ​ម៉ា​ ​ច័ន្ទ​បញ្ញា​ ​បាន​សរសេរ​ប្រាប់​ឱ្យ​ដឹង​ថា​៖​”​ចូល​យក​បានសម្រេច​ ​Laptop​ ​ទូរស័ព្ទ​ ​និង​វត្ថុ​មានតម្លៃ​។​ ​កា​ម៉េ​រ៉ា16គ្រាប់​ហើយ​ ​វា​នៅ​ហ៊ាន​ចូល​លួច​បាន​ទៀត​ប្រហែល​ថែម​លួស​ ​ឆ្កែ​ម៉ា​ក្បាល​ពីរ​ទៀតហើយ​។​ ​ថត​បាន​សកម្មភាព​ចោរ​ចូល​គាស់​ផ្ទះ​ ​នៅ​បូរី​ភ្នំពេញ​ ​ថ្ងៃទី19​/​08​/​2019​ ​សូម​បងប្អូន​ធ្វើការ​ប្រយ័ត្ន​អោយ​មែនទែន​”​។​