ពិតជា​ពីរោះ​និង​រំភើប​ឥតឧបមា​ ​ខណៈ​បានឃើញ​អ្នកនាង​ ​ខាត់​ ​សុ​ឃីម​ ​បកស្រាយ​បទ​ ​«​ ​ស្លៀកខ្យល់ដណ្ដប់មេឃ​ ​»​ ​ប្រគុំ​ដោយ​ឧបករណ៍​ភ្លេង​គែន​ផ្ទាល់​ៗ​

September 16, 2019​ ម៉ោង 8:22 am

​នៅ​លើ​បណ្ដាញ​សង្គម​ហ្វេ​សនា​ពេល​ថ្មី​ៗ​នេះ​ ​គេ​បានឃើញ​គណនី​របស់​អ្នកនាង​ ​ខាត់​ ​សុ​ឃីម​ ​បង្ហោះ​វីដេអូ​ជុំគ្នា​ច្រៀង​លេងសប្បាយ​ជាមួយ​គ្រូបង្រៀន​ឧបករណ៍​ភ្លេង​គែន​ ​និង​ក៏​កិច្ចការពារ​ថែរក្សា​វប្បធម៌​មួយ​ដ៏​ល្អ​។​ ​វីដេអូ​ខ្លី​ប្រមាណ​ជាង​ ​៥​ ​នាទី​ប៉ុណ្ណោះ​ ​បាន​ធ្វើ​ឱ្យ​មហាជន​ជាច្រើន​ចូលចិត្ត​ទស្សនា​ ​ស្រប​ពេល​ដែល​មហាជន​ទាំងអស់​កំពុង​សាទរ​ ​និង​កសាង​កុសល​បុណ្យ​ក្នុង​ថ្ងៃ​កាន់បិណ្ឌ​ផង​ដែរ​។​ ​

​អ្នកនាង​ ​ខាត់​ ​សុ​ឃីម​ ​បាន​រៀបរាប់​នៅក្នុង​វីដេអូ​នោះ​ថា​ ​អ្នកនាង​ ​រួម​ជាមួយ​ ​លោក​ ​ចាប​ ​ចៀន​ ​លោកគ្រូ​ភ្លេង​គែន​ ​និង​ប្អូន​ប្អូន​ដៃ​ស្គរ​ ​បាន​រួមគ្នា​ធ្វើ​វីដេអូ​នេះ​ឡើង​ក្នុង​គោលបំណង​ច្រៀងរាំ​សប្បាយ​ ​ហើយក៏​ជា​ទង្វើ​ល្អ​មួយ​ក្នុង​ការ​ថែរក្សា​នូវ​សិល្បៈ​វប្បធម៌​បុរាណ​ខ្មែរ​។​ ​បទ​ប្រជាប្រិយ​ដែល​អ្នកនាង​បាន​បកស្រាយ​ ​ជា​បទចម្រៀង​ចង្វាក់​សារ​វ៉ាន់​ ​ដែល​មាន​ចំណងជើង​ថា​ ​«​ ​ស្លៀកខ្យល់ដណ្ដប់មេឃ​ ​»​ ​ចម្រៀងដើមត្រូវ​បាន​គេ​ដឹង​ថា​ ​ជា​បទ​ដែល​អតីត​តារាចម្រៀង​ស្រី​ ​អ្នកស្រី សូ សាវឿន​ ​ជា​អ្នក​បទ​ស្រាយ​បាន​យ៉ាង​ល្បីល្បាញ​នា​អំឡុង​ទសវត្សរ៍​ ៦០​ ​។​ ​

​អ្នក​ ​ខាត់​ ​សុ​ឃីម​ ​បាន​និយាយ​អំពី​ក្ដី​រំភើប​ជា​ក្រៃលែង​ ​ខណៈ​បាន​បកស្រាយ​បទចម្រៀង​ប្រគំ​ដោយ​តន្ត្រី​គែន​ ​ដែល​អ្នកនាង​ថា​ ​គ្រូភ្លេង​គែន​ ​ប៊ិះ​នឹង​បោះបង់​ការ​បង្រៀន​ ​ក៏ដូចជា​ឈប់​លេង​ឧបករណ៍​ភ្លេងបុរាណ​មួយ​នេះ​ហើយ​ ​ដោយសារ​ការ​បាក់ទឹកចិត្ត​ ​និង​គ្មាន​អ្នក​ស្រឡាញ់​ចូលចិត្ត​វា​។​ ​តែ​ដោយសារ​មាន​សប្បុ​រ​ជន​ឧប​ថ​ត្ថ​ម្ភ​ថវិកា​បន្ដិច​បន្តួច​ ​ទើបបាន​ជា​ធ្វើ​ឱ្យ​លោកគ្រូ​អាច​បន្ដ​ដង្ហើម​បង្រៀន​ឧបករណ៍​មួយ​នេះ​ ​ដល់​យុវជន​ជំនាន់​ក្រោយ​បាន​បន្ដ​វេន​។​

​សូម​រីករាយ​ទស្សនា​ ​វីដេអូ​ខាងក្រោម​នេះ​ ​៖​ ​