ស្មានតែស្កាត់ទៅ​ជួប​ប្រពន្ធ​កូន​!​!​ ​លោក​ ​អ៊ិ​ន​ ​សុ​ភិន​ ​ហោះ​ទៅ​អង់គ្លេស​ទាំងយប់​ ​ព្រោះ​រឿង​មួយ​សោះ​.​.​.​.​.​

September 16, 2019​ ម៉ោង 10:29 am

​ខណៈ​ភិន​ ​សិ​ដា​លីស​ ​និង​ម្ដាយ​កំពុង​ស្ថិតនៅ​ប្រទេស​អង់គ្លេស​ ​គេ​ឃើញ​លោក​ ​អ៊ិ​ន​ ​សុ​ភិន​ ​ចេញដំណើរ​ទៅកាន់​ប្រទេស​នោះ​ទេ​ ​ដោយ​គេ​នឹកស្មាន​ថា​ ​ដើម្បី​ទៅ​យកប្រពន្ធ​ ​និង​កូន​ឱ្យ​ត្រលប់​មកវិញ​។​ ​យ៉ាងណាមិញ​ ​លោក​អះអាង​ថា​ឡើង​ទៅ​អង់គ្លេស​ទាំងយប់​មិនមែន​ហេតុផល​នោះ​ទេ​។​ ​

​លោក​ ​អ៊ិ​ន​ ​សុ​ភិន​ ​ម្ចាស់​ផលិតកម្ម​មហាហង្ស​និយាយ​ថា​ ​លោក​ចេញទៅ​អង់គ្លេស​ជួន​គ្នា​នឹង​ភរិយា​ ​ព្រមទាំង​កូនស្រី​ស្ថិតនៅ​ទីនោះ​ ​មិនមែន​ដើម្បី​ឡ​លង​ទៅ​យក​អ្នក​ទាំងពីរ​ឱ្យមក​ជាមួយគ្នា​នោះ​ទេ​ ​ពោល​គឺ​ដោយសារតែ​ហេតុផល​ផ្សេង​ប៉ុណ្ណោះ​។​ ​លោក​ថា​ចេញទៅ​អង់គ្លេស​ ​កាលពី​យប់​ថ្ងៃទី១៦​ ​កញ្ញា​ ​គឺ​ទៅ​ប្រជុំ​ការងារ​ ​ប៉ុន្តែ​ដោយសារតែ​ភរិយា​ ​និង​ភិន​ ​សុ​ដា​លីស​ ​ស្ថិតនៅ​ទីនោះ​ស្រាប់​ ​ទើប​លោក​ទៅដល់៥ថ្ងៃ​ ​ដើម្បី​នៅ​លេង​ជុំគ្នា​ផង​។​ ​លោក​ឆ្លងឆ្លើយ​តាម​ហ្វេ​សប៊ុ​ក​ឆាត​ថា​«​ខ្ញុំ​ទៅ​អង់គ្លេស​ ​ក៏​មិន​ពិតមែន​ដើម្បី​ទៅដើរ​លេង​ជាមួយ​ប្រពន្ធ​កូន​ ​ឬ​ ​ទៅ​យក​ពួកគាត់​មកវិញ​ទេ​ ​គឺ​ទៅ​ប្រជុំ​ការងារ​ផ្នែក​ក្រុមហ៊ុន​ខ្ញុំ​ ​ហើយក៏​ឆ្លៀត​ដើរលេង​ជុំគ្នា​ជាមួយ​ពួកគាត់​ប៉ុន្មាន​ថ្ងៃ​ទៅ​»​។​ ​

​ក្រោយ​បញ្ចប់​ការប្រជុំ​ ​លោក​នឹង​ឡើង​មក​កម្ពុជា​វិញ​មុន​ ​នៅ​ថ្ងៃសុក្រ​ទី២០​ ​កញ្ញា​ ​នេះ​ ​ដើម្បី​រៀបចំ​បន្តដំណើរ​ចេញទៅ​ប្រជុំ​នៅ​ប្រទេស​រុស្ស៊ី​ទៀត​ ​ជាមួយ​កូនចិញ្ចឹម​របស់​លោក​ ​គឺ​លោក​ ​ប៉ែន​ ​តុលា​ ​ដែល​ជា​អតីត​គូ​ដណ្ដឹង​របស់​ភិន​ ​សុ​ដា​លី​សនោះ​។​ ​លោក​មិន​ច្បាស់​ថា​ ​ភរិយា​ ​និង​ ​ភិន​ ​សុ​ដា​លីស​ ​នឹង​ត្រលប់​មកវិញ​នៅ​ថ្ងៃ​នោះ​ទេ​ ​ដោយសារតែ​អ្នក​ទាំងពីរ​ទៅ​អង់គ្លេស​ដើម្បី​ទៅលេង​កូនប្រុស​លោក​ដែល​រៀន​នៅ​ទីនោះ​ ​និង​ចង់​ស្វែងរក​ឱកាស​ឲ្យ​ភិន​ ​សុ​ដា​លីស​ ​សិក្សា​ផ្នែក​អ្វីមួយ​ ​ដែល​មិន​ប៉ះពាល់​ការងារ​សម្ដែង​ ​នៅ​ស្រុកខ្មែរ​ផង​។​