មុននេះបន្ដិចអ្នកសារព័ត៌មានឡារ៉ែនទទួលដំណឹថាអេឡិចចាន់ត្រាត្រៀមចេញទៅប្រទេសអង់គ្លេសទៀតហើយនៅថ្ងៃទី១៩កញ្ញានេះខណៈដែលការសម្ដែងនៅប្រទេសអូស្ត្រាលីរបស់លោកដែលទើបបញ្ចប់គឺជោគជ័យខ្លាំង។ លោកទទួលស្គាល់ថាខ្លួនពិតឃាត្រៀមចេញទៅអង់គ្លេសប៉ុន្តែសម្ដែងច្រៀងនោះទេគឺទៅថតស្ពតធំមួយ។
លោក អេឡិច ចាន់ត្រា និយាយថា ដំណើរចេញទៅអង់គ្លេសលើកនេះគឺបន្ទាប់ពីលោកបានទទួលកុងត្រាថតស្ពតឱ្យក្រុមហ៑ុនធំមួយដែលសកម្មភាពក្នុងការផលិតស្ពតនោះតម្រូវទៅថតដល់អង់គ្លេស។ នេះជាការងារធំមួយដែលលោកបានទទួលបន្ទាប់ពីចប់ការសម្ដែងនៅអូស្ត្រាលីដែលបង្ហាញយ៉ាងច្បាស់ថាលោកគឺជាតារាដែលមានទីផ្សារទាំងក្នុងនិងក្រៅស្រុកមិនធម្មតា។មុននេះលោកក៏ត្រូវគេឃើញចេញថតឈុតសំលៀកបំពាក់ប្រេនប្រេនៗដែលមានការអះអាងថាទទួលបានតម្លៃខ្លួនខ្ពស់ផងដែរ។ ប្រភពជិតស្និទ្ធិបន្តថាអេឡិចប្រាប់ថាទើបតែចុះកុងត្រាការងារថ្មីមួយជាអ្នកដំណាងផលិតផលអោយក្រុមហ៊ុនធំទើបត្រូវដំណើរទៅអង់គ្លេសនៅថ្ងៃ១៩ កញ្ញា ដោយត្រូវចេញទៅ១អាទិត្យ។ គឺជាការចេញទៅរួមជាមួយនិងការងារផងដែរ។
ដំណើរចេញទៅលើកនេះ ក៏ត្រូវបានក្រុមហ៊ុនទិញសំបុត្រឱ្យទស្សនាការប្រកួតបាល់ទាត់ខ្នាតអន្តរជាតិនៅក្នុងប្រទេសអង់គ្លេសផងដែរទើបលោកសរសើរថាគឺជាសំណាងដែលបានទៅធ្វើការផងដើរកម្សាន្តផងហើយបានទស្សនាការប្រកួតបាល់ទាត់លំដាប់ពិភពលោកទៀត។
