អេ​ដា​ ​ហាក់ដូចជា​ស្ងប់ស្ងាត់​ពី​សិល្បៈ​មួយ​តែ​រយៈ​ ​តែ​សម្ងំ​ចេញ​បទ​ថ្មី​ ​«​មិនទាន់​អស់ចិត្ត​»​

November 4, 2019​ ម៉ោង 8:43 am

ស្ងាត់​មិន​ចេញ​បទចម្រៀង​អស់​មួយ​រយៈ​ធំ​ ​ពេលនេះ​ម្ចាស់​បទ​ ​“​ពីរ​នាក់​បាន​ហើយ​ ​”​ ​កញ្ញា​ ​អេ​ដា​ ​បាន​បញ្ចេញ​បទចម្រៀង​ថ្មី​ ​ដើម្បី​ពញ្ញាក់​អារម្មណ៍​អ្នកគាំទ្រ​របស់​ខ្លួន​កាល​ពី​ថ្មី​ៗ​នេះ​។​

​ក្នុង​នោះ​ដែរ​ ​បទចម្រៀង​ថ្មី​មួយ​បទ​នេះ​ ​មាន​ចំណងជើង​ថា​ ​«​មិនទាន់​អស់ចិត្ត​»​ ​ដែល​មាន​អត្ថន័យ​ចាក់ដោត​ ​និង​បទភ្លេង​ពីរោះ​ខ្លាំង​មែនទែន​។​ ​មិន​ត្រឹមតែ​ប៉ុណ្ណោះ​ ​សម្រាប់​បទចម្រៀង​នេះ​ ​គឺជា​ការ​និពន្ធ​បទភ្លេង​ ​និង​ទំនុកច្រៀង​ដោយ​កញ្ញា​ ​អេ​ដា​ ​ផ្ទាល់​និង​រួម​សហការ​ជាមួយ​តារាចម្រៀង​លោក​ ​ណូ​លី​ ​ដែល​ជា​ផលិតករ​តន្ត្រី​នៃ​បទចម្រៀង​នេះ​ផង​ដែរ​។​

​ក្នុង​បទចម្រៀង​ថ្មី​ ​“​មិនទាន់​អស់ចិត្ត​”​នេះ​ ​អេ​ដា​ ​កំពុង​ធ្វើឲ្យ​អ្នកគាំទ្រ​ ​ស្លុង​អារម្មណ៍​មិនធម្មតា​ ​ទើប​ម្នា​ក់ៗ​កាន់តែ​សរសើរ​។​ ​បទ​នេះ​ ​ត្រូវ​បាន​គេ​រំពឹង​ថា​ ​នឹង​ផ្ទុះ​កក្រើក​ ​App​ ​Phleng​ ​By​ ​Smart​ ​Music​ ​បន្ទាប់ពី​បទ​នេះ​ ​គ្រាន់តែ​បង្ហាញ​វត្តមាន​ ​មិនទាន់​បាន​ប៉ុន្មាន​ផង​ ​ក៏​មាន​អ្នកស្ដាប់​មិន​គួរ​ឱ្យ​ជឿ​។​

​ក្នុង​ពេលនេះ​ដែរ​គេ​ដឹង​ថា​ ​នាង​ ​និង​គូស្នេហ៍​ ​ស្ថិតនៅ​ទ្វីប​អ៊ឺ​រ៉ុប​ ​ដោយ​នាង​ធ្លាប់​បញ្ជាក់​ថា​ ​សរសេរ​ចេញពី​អារម្មណ៍​ពិត​របស់​នារី​ម្នាក់​ ​ក្រោយ​បែកបាក់​ស្នេហ៍​ ​និង​ជា​បទ​ដែល​នាងសរ​សេរ​ ​ដោយ​ការ​តាំងចិត្ត​ ​តាំងពី៦ខែមុន​។​ ​អ្នកគាំទ្រ​ ​មើលឃើញ​ថា​ ​បទ​«​មិនទាន់​អស់ចិត្ត​»​នេះ​ ​កំពុង​ទទួល​បានការ​គាំទ្រ​ ​មិនចាញ់​បទ​ចម្រៀង​មុន​ៗ​របស់​នាង​ឡើយ​ ​ស្របគ្នា​ដែល​លើ​បណ្ដាញ​ហ្វេ​សប៊ុ​ក​ ​ក៏​មានការ​ចែកចាយ​ច្រើន​នោះ​៕​