​នី​ ​មុ​ល្លី​កា​ ​បង្ហាញ​វត្តមាន​ជាថ្មី​ក្នុង​រឿង​ ​«​កុមារី​ ​២៥​ ​ឆ្នាំ​»​ ​វគ្គ៣​

November 6, 2019​ ម៉ោង 11:33 am

​អតីត​តារា​សម្ដែង​ ​អ្នកនាង​ ​នី​ ​មុ​ល្លី​កា​ ​ជា​តួឯកស្រី​ក្នុង​រឿង​ ​«​កុមារី​ ​២៥​ ​ឆ្នាំ​»​ ​ដែល​ទទួល​បា​នកេរិ៍​ត​ឈ្មោះ​ល្បីល្បាញ​នៅក្នុង​ប្រទេស​កម្ពុជា​ ​តែ​នាង​បាន​ចាក​ឆ្ងាយ​ពី​សិល្បៈ​មួយ​រយៈកាល​ធំ​ ​បន្ទាប់ពី​នាងស​ម្រេច​ចិត្ត​ ​រៀប​អាពាហ៍​ពិពាហ៍​ ​សាង​សុភមង្គល​នៅ​លើទឹក​ដីស​ហរ​ដ្ឋ​អាមេរិក​រួចមក​។​ ​នៅ​លើ​បណ្ដាញ​សង្គម​ហ្វេ​សប៊ុ​ក​ ​គេ​តែ​សង្កេតឃើញ​ថា​ ​ជា​រឿយ​ៗ​ ​នាង​តែងតែ​បង្ហោះ​រូបភាព​ស្និទ្ធស្នាល​ ​និង​ផ្អែមល្ហែម​ ​ជាមួយ​ស្វាមីនិងកូនប្រុស​គ្រប់​ទីកន្លែង​។​

​នៅពេល​ថ្មីៗនេះ​ ​យើង​ទទួល​ដំណឹង​ថា​ ​តារា​ស្រី​រូប​នេះ​ ​បាន​វិលត្រឡប់​មក​សិល្បៈ​ជាថ្មី​ម្ដងទៀត​វិញ​ ​ជាមួយ​ស្នាដៃ​លោកស្រី​ ​ពាន់​ ​ភួង​បុប្ផា​ ​ដែល​នាង​នឹង​សម្ដែងរឿង​ ​កុមារី២៥ឆ្នាំ​ ​វគ្គ៣​ ​ហើយ​ពិសេស​បំផុត​នោះ​គឺ​យើង​នឹង​បាន​ស្វាគមន៍​ការ​វិលត្រឡប់​មកកាន់​សិល្បៈ​ខ្មែរ​វិញ​ ​របស់​តួ​ស្រី​ដ៏​ពូកែ​នៅក្នុង​រឿង​នេះ​។​ ​ជា​ការពិត​ណាស់​តាមរយៈ​រឿង​ ​កុមារី២៥ឆ្នាំ​ ​វគ្គ៣​ ​ដែល​ទើបតែ​បាន​ធ្វើពិធី​ក្រុងពាលី​ចាប់ផ្ដើម​ថត​ ​និង​ត្រៀម​ចាក់​បញ្ចាំង​នៅពេល​ខាងមុខ​។​

តាមការបង្ហោះនៅលើហ្វេសប៊ុកក៏បានរៀបរាប់ថា «ថ្ងៃជយ័ វេលាល្អ ៥.១១.២០១៩ ពិធីក្រុងពាលីរៀបចំដំណើរការចេញថតខ្សែភាពយន្តខ្នាតធំគឺជាស្នាដៃ ដែរទទួលបានការគាំទ្រយ៉ាងខ្លាំងពីសំណាក់ទស្សនិកជនរួចមកហើយគឺរឿង «កុមារី ២៥ឆ្នាំ»ទាំងវគ្គ១ និង វគ្គ២ ឥឡូវនេះខ្សែភាពយន្តរឿង «កុមារី២៥ឆ្នាំ» វគ្គ៣និងត្រៀមបង្ហាញនូវអ្វីដែលប្លែក លើសវគ្គមុនៗទៀត😘🎬🎥📹🎞📽 # អ្នកណាខ្លះហ្វេន “កណ្តួប “🦗🦗ឥឡូវនេះគាត់ត្រលប់មកវិញហើយ😘 @ នី ម៉ូនីកា រហស្សនាម កូនប្រសារស្រី # Bong Vik 💚💄💋
# កុមារី២៥ វគ្គ៣ 📷🎞📹🎥📽 »។

ក្រោយពីសាច់រឿងនេះក្នុងវគ្គមុនៗ បានបញ្ចប់ទៅអស់រយៈពេលជាយូរឆ្នាំ តើ កុមារី២៥ឆ្នាំ វគ្គបន្តនេះនឹងមានអ្វីប្លែកទៀត​សម្រាប់​ទស្សនិកជន​អ្នកគាំទ្រ? តើតាមរយៈការវិលមកវិញរបស់តារាជើងចាស់ នី មុល្លីកា នឹងធ្វើឱ្យមហាជនភ្ញាក់ផ្អើលយ៉ាងណា ចំពោះ​សមត្ថភាព​សម្ដែង​របស់​អ្នកនាង​នៅក្នុងរឿងចាស់ តែជាសាច់រឿង​វគ្គថ្មីនេះ? រង់ចាំតាមដាន​ទស្សនា​ទាំងអស់គ្នាណា៎៕