«​ ​ផ្ទះ​ជួល​ ​»​ ​ថត​ក្នុង​អាគារ​អាយុជាង​ ​១០០​ ​ឆ្នាំ​ ​ដាក់​បញ្ចាំង​ស្អែកនេះ​ហើយ​.​.​.​

December 4, 2019​ ម៉ោង 10:05 am

​ចុងឆ្នាំ២០១៩​ ​នេះ​ ​ផលិតកម្ម​ខ្មែរ​មេគង្គ​ ​បាន​បញ្ចេញ​វណ្ណកម្ម​ភា​ពយ​ន្ដបស់​ខ្លួន​មួយ​រឿង​ទៀតហើយ​បែប​រន្ធត់​ ​ព្រឺព្រួច​សម្រាប់​ជា​ចំណងដៃ​ទី៩ដល់​ទស្សនិកជន​ ​និង​មិន​ចង់ឱ្យ​មាន​សភាព​ស្ងាត់​រឿង​ ​ដូច្នេះ​ផលិតករ​ក៏​ចាប់ផ្តើម​ជាមួយ​និង​ការ​សម្ពោធ​រឿង​ថ្មី​ ​«​ផ្ទះ​ជួល​ ​»​ ​ដែល​បាន​សម្ពោធ​កាលពី​យប់​ថ្ងៃទី3​ ​ខែវិច្ឆិកា​ ​ហើយនិង​ត្រៀម​ដាក់​បញ្ចាំង​តាម​រោងភាពយន្ត​ ​ចាក់​បញ្ចាំង​ជា​ផ្លូវការ​នៅ​ថ្ងៃទី​ ​៥​ ​ខែ​ ​ធ្នូ​ ​ខាងមុខនេះ​តទៅ​ ​នៅ​គ្រប់​រោងភាពយន្ត​ទាំងអស់​ ​នៅ​ភ្នំពេញ​ ​និង​តាម​បណ្ដា​ខេត្ត​នានា​។​

​លោក​ ​ម៉ា​ធ្យូ​ ​រ៉ូប៊ី​ន​សុន​ ​ផលិតករ​រឿង​បាន​អះអាង​ថា​ ​ភាពយន្ដ​មួយ​នេះ​ត្រូវ​បាន​ដឹកនាំ​ដោយ​ ​លោក​ ​យឿន​ ​ដែល​អ្នកដឹកនាំ​មាន​ស្នា​ដៃ​ឆ្នើុ​មនៅ​ផលិតកម្ម​ ​បាន​ជ្រើសរើស​ទីតាំង​ដែល​ល្អ​បំផុត​នៅក្នុង​ទីក្រុង​ភ្នំពេញ​។​ ​«​ ​ផ្ទះ​ជួល​ ​»​ ​ត្រូវ​បាន​ថត​នៅក្នុង​អាគារ​រចនា​បទ​បារាំង​មួយ​ ​ដែល​មាន​អាយុកាល​ជាង​ ​១០០​ ​ឆ្នាំ​មក​ហើយ​ ​តែ​ជាអកុសល​ ​ខណៈ​កំពុង​ថត​រឿង​នេះ​ ​អាគារ​បុរាណ​មួយ​នេះ​ ​ត្រូវ​បាន​ម្ចាស់​ដើម​លក់​ ​ដើម្បី​ធ្វើ​ខន់​ដូរ​ទៅវិញ​ ​ដែល​ជាហេតុ​ធ្វើ​ឱ្យ​មានការ​លំបាក​ក្នុង​ការ​ថត​មិន​គ្រប់​ប្លង់​ដែល​អ្នកដឹកនាំ​ចង់បាន​។​

​យ៉ាងណាមិញ​ភាពយន្ត​ខ្នាត​ធំ​រឿង​ ​«​ ​ផ្ទះ​ជួល​ ​»​ ុំ​មិន​ត្រឹមតែ​ជា​ភាពយន្ដ​ភ័យរន្ធត់​នោះ​ទេ​ ​តែ​ក៏​លាយឡំ​ជាមួយ​ភាព​កំប្លែង​ស្ងួត​ ​ដ៏​ថ្មី​មួយ​ដែល​ផលិតកម្ម​ខ្មែរ​មេគង្គ​បាន​ផលិត​ឡើង​ ​បន្ទាប់ពី​រឿង​ ​«​ ​ព្រឺ​ ​»​។​ ​ដោយឡែក​រឿង​នេះ​ត្រូវ​បាន​និពន្ធ​ឡើង​ដោយ​អ្នកនិពន្ធ​ ​សុធា​រី​ ​អាត​ ​ជាមួយ​ផលិតករ​ ​លោក​ ​ស្វាយ​ ​លី​ម៉េ​ង​ ​និង​ ​មាន​វត្ត​មា​នរ​តារា​កិត្តិយស​ចូលរួម​សម្ដែង​ជា​តួអង្គ​សំ​ខាន់​ៗ​នៅក្នុង​រឿង​ ​រួមមាន​ ​តារា​សម្ដែង​ ​យោធិន​ ​វី​រី​យ៉ា​,​ ​វ៉ាន់​ ​ដា​លីន​,​ ​លី​ ​ណៃ​ស៊ី​ម​ ​និង​ ​ស្សា​តាន់​ ​ព្រមទាំង​តារា​កិ​ត្ត​យស​ជាច្រើន​រូប​ទៀត​ចូលរួម​សម្ដែង​ផង​ដែរ​៕​