រំដួលលិចទឹក រចនាម៉ូដមកុដ «រំដួលអង្គរ»សម្រាប់បំពាក់កញ្ញាឯកភពផែនដីកម្ពុជា២០២០

January 14, 2020​ ម៉ោង 2:54 pm

កម្មវិធីប្រកួតដណ្ដើមមកុដកញ្ញាឯកភពផែនដីកម្ពុជា២០២០ (Miss Planet Cambodia) គ្រោងនឹងធ្វើឡើងនៅថ្ងៃទី១៥ ខែមករា ឆ្នាំ២០២០ នៅ មណ្ឌលវប្បធម៌ភ្នំពេញ ( ចេនឡា ) ដែលនឹងផ្សាយផ្ទាល់ពីហ្វេសប៊ុកផេក Miss Planet Cambodia វេលាម៉ោង ៥ល្ងាច ដល់ម៉ោង ៨យប់ ។

នៅមុននេះបនិ្តចហ្វេសប៊ុកកញ្ញាឯកភពផែនដីកម្ពុជា បានបញ្ចេញនូវមកុដថ្មី ដែលត្រៀមបំពាក់ជូនកញ្ញាឯកភពផែនដីកម្ពុជាឆ្នាំ២០២០ខាងមុខនេះ។ «រំដួលអង្គរ» ជាឈ្មោះមកុដ កញ្ញាឯកភពផែនដីកម្ពុជា២០២០ (Miss Planet Cambodia) ដែលច្នៃនិងរចនាម៉ូដដោយ កញ្ញា រំដួលលិចទឹក។ មកុដនេះច្នៃចេញពីលោហៈធាតុស្ពាន់ ស្រោបមាស ច្នៃចេញជាផ្ការំដួល តូចធំ ក្រពុំនិងរីកចំនួន ៥២ ផ្កាដែលមានដាំត្បូងខ្មែរតូចៗចំនួនប្រមាណជិត៦០០០ពាន់គ្រាប់ ដោយមានលាយជាមួយនិងក្បាច់ក្បាលនាគអមដោយក្បាច់ភ្ញីអង្គរ ផងដែរ ការរចនាឡើងគឺចង់បង្ហាញពីស្នាដៃកូនខ្មែរក្នុងការរចនាម៉ូដមកុដកញ្ញាឯកភពផែនដីកម្ពុជា២០២០ នេះតែម្តង៕