នេះជាព័ត៌មានមួយដែលកំពុងធ្វើឱ្យភ្ញាក់ផ្អើលពេញពិភពលោកទាំងមូលដែលតារាចម្រៀង “Chester Bennington” ជាប្រធានក្រុម Linkin Park បានធ្វើអត្តឃាតនៅថ្ងៃទី21 ខែកក្កដា ឆ្នាំ2017 នេះ។
សារព័ត៌មានបរទេសបានអះអាងថា Chester Bennington វ័យ 41 ឆ្នាំ បានស្លាប់បាត់បង់ជីវីតដោយសារការធ្វើអត្តឃាតចងក នៅក្នុងផ្ទះស្នាក់នៅផ្ទាល់ខ្លួនមួយកន្លែងក្នុងទីក្រុង Los Angeles សហរដ្ឋអាមេរិក ដែលខណៈនេះ មន្ត្រីប៉ូលិសនៅក្នុងតំបន់ក៏កំពុងស៊ើបអង្កេតលើករណីមួយនេះ។
ទន្ទឹមនឹងនេះ តារាប្រុសរូបនេះ ត្រូវបានគេដឹងថា លោករស់នៅយ៉ាងឯកោជាយូរណាស់មកហើយ និងតែងប្រើប្រាស់គ្រឿងញៀន និងគ្រឿងស្រវឹងដែលមានជាតិអាល់កុលខ្លាំង ព្រមទាំងបានបន្សល់គ្រឿងញៀនទាំងនោះក្នុងផ្ទះរបស់លោកទៀតផង។
គួររំឭកផងដែរថា លោក Chester Bennington កើតនៅថ្ងៃទី20 ខែមីនា ឆ្នាំ1976 បានរៀបការ និងមានកូនចំនួន 6 នាក់ ហើយលោកបាននិពន្ធបទចម្រៀងបែបរ៉ុកបានចំនួន 2,000បទ ដែលសុទ្ធសឹងជាបទល្បីៗទូទាំងពិភពលោក។ ក្រុមចម្រៀង Linkin Park បានលក់អាល់ប៊ុមចម្រៀងចុងក្រោយរបស់ខ្លួនបាន 27.8 លានដុល្លារនៅសហរដ្ឋអាមេរិក នេះបើតាមគេហទំព័រ Nielsen Music បានឱ្យដឹង៕
