អារម្មណ៍ស្រស់ស្រាយជាមួយស្រាក្រឡុក Cowboy Pub

November 21, 2017​ ម៉ោង 2:36 pm

Cowboy ត្រូវបានមនុស្សមួយចំនួន ជាពិសេសអ្នកដែលនិយមការលំហែកាយ និងស្វែងរកអារម្មណ៍ស្រស់ស្រាយនៅតាមបណ្តាភោជនីយដ្ឋានក៏ដូចជាកន្លែងកម្សាន្តបែបទាន់សម័យនាពេលរាត្រីទទួលស្គាល់ថាជាទីកន្លែងដ៏ស័ក្ដិសមក្នុងការអង្គុយទទួលទានអាហារ ដែលមានរសជាតិឈ្ងុយឆ្ងាញ់ និងបណ្ដែត​អារម្មណ៍ជាមួយសូរសំឡេងនៃបទភ្លេងលាន់ឮរងំ ជាមួយការក្រេបរសជាតិភេសជ្ជៈត្រជាក់ៗ។ បន្ថែមពីនេះ ជាការផ្តល់ជម្រើសកាន់តែច្រើនសម្រាប់អតិថិជនដែលមកគាំទ្រនៅភោជនីយដ្ឋានមួយនេះ បច្ចុប្បន្នអ្នកជំនាញផ្នែក
ភេសជ្ជៈបានបង្កើតស្រាក្រឡុកមួយប្រភេទទៀតដែលមានឈ្មោះថា Cowboy Pub ក្រោមការផ្សំចេញពីវត្ថុធាតុមួយចំនួនដូចបានបង្ហាញជូនខាងក្រោមនេះ។

គ្រឿងផ្សំ
• ស្រាស (White Rum)
• ទឹកម្នាស់ (Pineapple Juice )
• Triple Sec
• Galliano
• Blue Curacao

របៀបលាយ
ជាទូទៅសម្រាប់ការលាយបញ្ចូលគ្នានូវគ្រឿងផ្សំដូចបានរៀបរាប់ជូនខាងលើនេះ ភាគច្រើនគឺសុទ្ធតែមានសារធាតុស្រវឹង (Alcohol) លើកលែងតែប្រភេទទឹកម្នាស់តែប៉ុណ្ណោះ ដែលអ្នកជំនាញដាក់បញ្ចូលដើម្បីបន្ថែមក្លិនក្រអូបឈ្ងុយ។ ដោយឡែក នៅពេលលាយ គឺគ្រាន់តែយកគ្រឿង​ផ្សំ​សំខាន់ៗ​ទាំងនេះដាក់បញ្ចូលគ្នា ទៅតាមបរិមាណដែលបានកំណត់ (រសជាតិ និងកម្រិតជាតិ Alcohol អាចតម្រូវបានតាមចំណូលចិត្ត​របស់​អ្នក​ទទួលទាន)​។ ចង់ដឹងទេថា ស្រាក្រឡុកដែលមានឈ្មោះ Cowboy Pubមានរសជាតិឆ្ងាញ់ គួរជាទីទាក់ទាញដល់កម្រិតណានោះ សូមមក​ទទួល​យក​នូវ​រសជាតិដើម​​នៅភោជនីយដ្ឋាន Cowboy ដែលស្ថិតនៅផ្លូវប៉ាស្ទ័រ រាជធានីភ្នំពេញទាំងអស់គ្នា៕