ស៊ុប​មាន់​ខ្មៅ​ចំហុយ​ថ្នាំ​ចិន

January 19, 2018​ ម៉ោង 4:44 pm

ស៊ុប​សុខភាព​មួយ​មុខ​ទៀត​ពី​អាហា​រដ្ឋា​ន គ្រួសារ​រីករាយ ដែល​ស្ថិតនៅ​លើផ្លូវ​កោសដូង សម្រាប់​សមាជិកគ្រួសារ​ជាទី​ស្រឡាញ់​របស់​អ្នក ដូច្នេះ​សូម​រៀន​ធ្វើ​មុខម្ហូប “ស៊ុប​មាន់​ខ្មៅ​ចំហុយ​ថ្នាំ​ចិន” ទាំងអស់គ្នា ដែលជា​ការណែនាំ​ពី​ម្ចាស់​អាហា​រដ្ឋា​ន​ផ្ទាល់​តែម្តង។

គ្រឿងផ្សំ

– មាន់​ខ្មៅ 1ក្បាល (1គីឡូ-1,3គីឡូ)

– គ្រឿងផ្សំ​ថ្នាំ​ចិន​មួយកញ្ចប់ មានដូចជា យិន​សិ​ុ​ន ដំឡូង ខ្មៅ​ស្អិត គ្រាប់​ក្រហម គ្រាប់​ពុទ្រា​ក្រហម និង​ចំណិត​ចេក (អា​ចរក​ទិញ​បាន​នៅ​ហាង​ចិន​សែ)

– ដុំ​ស៊ុប​ខ្នរ 1ដុំ

– ស្ករស 1ស្លាបព្រា​កាហ្វេ

របៀប​ធ្វើ

ដំបូង​ត្រូវដាក់​ទឹក រួច​ដាក់​ថ្នាំ​ចិន​ទាំងអស់​ចូល ដាំ​ឱ្យចេញ​ជាតិ។ បន្ទាប់មក​ត្រូវ​លាង​មាន់​ខ្មៅ​ឱ្យ​ស្អាត រួច​កាប់​មាន់​ខ្មៅ​ជាដុំៗ ដាក់ចូល​ទៅក្នុង​ឆ្នាំង​រំងាស់​ពី2-3ម៉ោង​រហូតដល់​មាន់​ខ្មៅ​ផុយ​ល្អ រួច​សឹម​ដាក់​ស្ករស និង​ដុំ​ស៊ុប​ខ្នរ​ចូល ចូរ​កូរ​ឱ្យ​សព្វ​ភ្លក្ស​រសជាតិ​តាម​ចំណង់​ចំណូលចិត្ត ជា​ចុងក្រោយ​ដួស​ស៊ុប​ដាក់​ចាន​ជាការ​ស្រេច៕